Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Ivi Kaso: Koalicioni 'Shtëpia e Lirisë' regjistrohet nesër në KQZ, nuk ka ngërç ligjor

Politiko 3 Shkurt 2022, 20:14

Ivi Kaso: Koalicioni 'Shtëpia e Lirisë' regjistrohet

Komisioni Qendror i Zgjedhjeve merr në shqyrtim nesër kërkesën për regjistrimin e koalicionit opozitar 'Shtëpia e Lirisë' mes Komisionit t Rithemelimit dhe LSI.

Anëtari i Komisionit të Rithemelimit të PD, njëherazi njohës i çështjeve zgjedhore, Ivi Kaso i ftuar në Syri Tv, Ivi Kaso u shpreh se nuk ka asnjë ngërç ligjor dhe se KQZ do të regjistrojë koalicionin zgjedhor për garën e 6 marsit.

Kaso tha se Komisioni i Rithemelimit është organi më i lartë vendimmarrës i PD, i mandatuar nga Kuvendi për të drejtuar PD gjatë periudhës tranzitore dhe ky komision ka nënshkruar për llogari të PD marrëveshjen politike.

“Aspekti juridik është plotësisht në përputhje me dispozitat e Kodit Zgjedhor, me parashikimet e nenit 65 të Kodit, që rregullon jo vetëm marrëveshjen politike për koalicionin, por detajon elementët juridikë, për çdo marrëveshje politike që bën bashkë forcat garuese në një koalicion, është i përmbushur me përpikëri siç e kërkon ligji zgjedhor.

Nuk mund ta ve në dyshim faktin që koalicioni do të duhet të regjistrohet se s'ka si të ndodhë veçse kështu, në garën e 6 marsit, siç e kanë përcaktuar subjektet nënshkruese të marrëveshjes politike të koalicionit të shpallur me emrin 'Shtëpia e Lirisë'. Më pas do të detajohen hapat e mëtejshëm të regjistrimit të kandidatëve dhe aspektet e tjera procedurale, për paraqitjen e tyre në fletën e votimit. Proceduralisht nuk ka asnjë ngërç", tha Kaso.

Ivi Kaso sqaroi edhe pretendimet lidhur me legjitimitetin e Komisionit të Rithemelimit.

"Është çështje e konsumuar për shkak të një vërtetimi që kryetari i shkarkuar i PD ka sjellë nga Gjykata e Tiranës, që nuk është vendim gjykate, por fotografim i regjistrimeve të fundit që kanë ndodhur në regjistrin e partive politike, në zërin përkatës të PD. Veprime që kanë ndodhur në vitin 2018.

KQZ nuk ka tagër që të ndajë çështjen e legjitimitetit. KQZ merr vërtetimin, kryen një procedurë burokratike dhe regjistron atë që ka dërguar vërtetimin. Kështu që, çështja e legjitimitetit, e njohjes apo mosnjohjes, është ngritur në premisa jo të sakta, u përket më shumë mediave, ndoshta edhe publicitetit të asaj pjese të PD, që duke mospasur mbështetje të anëtarësisë, as të strukturave, vazhdon dhe mbështetet në çështje të shpikura legjitimiteti.

Nuk ka njohje apo mosnjohje të PD në radhë të parë dhe të Komisionit të Rithemelimit si organ ekzekutiv i saj i vetëm i mandatuar nga Kuvendi i demokratëve, nga ana e KQZ. Nuk ka tagër që ta bëjë kurrë këtë gjë KQZ", u shpreh ai.