Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Ivi Kaso tregon 3 betejat kryesore të PD para zgjedhjeve të 11 majit

Politiko 9 Shkurt 2025, 10:23

Drejtuesi politik i Partisë Demokratike për qarkun e Korçës, Ivi Kaso deklaroi se pas protestës së djeshme para Kryeministrisë, demokratët do të kenë të bëjnë me 3 beteja kryesore para parlamentareve të këtij viti.

I ftuar nëA2 CNN ai tha se këto beteja lidhen me votën e Diasporës dhe garantimin e sigurisë së votës së shqiptarëve.

“Ka shumë beteja për të bërë dhe shumë pak kohë, Unë besoj që beteja kryesor ka të bëjë në këtë moment, me votën e diasporës që është një proces i cili është i fundëm. Ka një datë skadence që është data 4 mars. Për këtë proces jemi ende vonë si klasë politike dhe PD është ndërgjegjësuar dhe po bën ç’është e mundur që kjo votë ti mundësohet çdo shtetasi shqiptar sipas Kushtetutës. Në radhë të parë ti mundësohet. Kemi një mazhorancë që synon të lërë rresht një milionë shqiptarë pa votuar, thjesht dhe vetëm se nuk arrin dot të kontrollojë këtë potencial të lartë votuesish.

Janë pikërisht votuesit të cilët kanë dokumente identiteti të skaduara, ose votues që për njëmijë e një arsye nuk kanë ID shqiptare por kanë dokumente biometrik të shteteve të huaja, për të cilët Kushtetuta dhe ligji shqiptar thonë se mund të votojnë, por pamundësia e pajisjes së tyre në kohë nga jo mazhorancë që ka përgjegjësi ligjore ti pajisë me dokumente të vlefshme votimi, mund ti lërë pa votuar. Dhe përgjegjësia jonë është që atyre t’ua bëjmë të mundur të votojnë. Përgjegjësi tjetër e jona është që neve ta mbrojmë dhe të bëjmë çështë e mundur që procesi i votimit si për zgjedhësit që janë jashtë dhe ata brenda të jetë i sigurt në mënyrë që rezultati real i zgjedhjeve të pasqyrojë vullnetin e shqiptarëve në momentin që është derdhur në kutitë e votimit", tha Kaso.

Sa i përket kërkesës për qeveri teknike, Ivi Kaso është i bindur se ka ende kohë për ta detyruar mazhorancën që ta pranojë këtë.

"Përgjegjësia jonë kryesor sa i përket përkushtimit tonë për të bërë ndryshimin ka të bëjë me atë çka është situata parazgjedhore. Kemi të bëjmë me një mazhorancë që në dy palë zgjedhje siç ka thënë ODHIR nuk i ka lejuar shqiptarët të bëjnë zgjedhje. Është përkushtimi ynë madhor, që me çfarë të kemi mundësi, e kudo ku të mundemi të bëjmë të mundur që shqiptarët të arrijnë të votojnë të lirë. Në këtë kontekst ishte edhe beteja jonë për qeveri teknike, betejë nga e cila nuk kemi hequr dorë, pavarësisht impenjimeve të tjera. Ka ende kohë dhe qëndrueshmëria e mazhorancës dhe ndërgjegjësimi i njerëzve. Ne do bëjmë çështë e mundur që ta fitojmë këtë betejë. Unë besoj se qeveria teknike, mund të stepë çdo lloj mazhorance që mund të jetë nesër mund të jetë një instrument shumë i mirë që mund të sanksionohet për një periudhë tranzitore edhe në Kushtetutën e vendit", nënvizoi Kaso.