Flash News

FOTO/ Ky është kushëriri i Ardian Nikulajt që u vra mbrëmë në Lezhë

Atentat në Lezhë, ekzekutohet kushëriri i Ardian Nikulajt

Short "ferri" për kombëtaren, ja datat e ndeshjeve të Shqipërisë

Hidhet shorti i Euro 2024, Shqipëria në Grupin B me Spanjën, Kroacinë dhe Italinë

Aksident në Cërrik, makina përplas për vdekje 35-vjeçarin që drejtonte motorin

Ditari i Opozitës

Jehona e qëndresës së opozitës në mediat ndërkombëtare, Berisha: I çorrëm maskën Edi Ramës

Politiko 21 Nëntor 2023, 13:12

Jehona e qëndresës së opozitës në mediat

Mediat ndërkombëtare i bënë jehonë dje qëndresës së opozitës në Kuvend.

Kryedemokrati Sali Berisha, teksa foli sot në një konferencë për gazetarët, tha se opozita i tregoi dje botës se Edi Rama është një kryeministër që voton në 4 minuta buxhetin në kundërshtim me Kushtetutën.

Ndër të tjera, Berisha theksoi se opozita i tregoi botës se Shqipëria de facto nuk është më një demokraci pasi Edi Rama kërkon t’i caktojë opozitës përfaqësuesit e saj.

“Dy arsye bënë mbrëmë që Shqipëria të jehojë në titujt më kryesorë të medieve ndërkombëtare.  E para ishte ndeshja përmbyllëse e kombëtares në eliminatoret e Euro2024. E dyta ishte qëndresa e opozitës shqiptare në parlament kundër mobodiktaturës apo narkodiktaturës së Edi Ramës.

Për të parën le të shprehim ne urimin më të përzemërt, mbështetjen më të fuqishme kuqezinjve, ekipit, kapitenit dhe trajnerit të saj fantastik. Për të dytën, duhet të theksoj se mediat më serioze të planetit, BBC, Fox Neës, ZDF, SKY, Ëashington Post, Guardian, Independent, Telegraph dhe dhjetëra e dhjetëra media në të pesë kontinentët, kishin në tituj kryesorë aksionin opozitar pa kthim të opozitës shqiptare.

Analistët e qeverisë, për të shumuar aksionin, për dezinformuar apo hedhur baltë mbi të, u shprehën se nuk ishte kjo një fitore, pasi buxheti u votua gjithsesi. Mjerimi nuk ka kufi në mendim, përveçse këtë. Beteja e opozitës është për një qëllim madhor. Misioni ynë është shembja e diktaturës.

Opozita i tregoi mbrëmë botës se kryeministri shqiptar, që herë vishet me atlete për modern dhe herë tjetër me çitjane për oriental, votoi dje në 4 minuta, në rekordin më të turpshëm botëror, buxhetin dhe kjo sepse ai nuk pranon të lejojë në përputhje me Kushtetutën, krijimin e komisioneve hetimore parlamentare për veten, familjen, sojsorollopin e tij dhe ministrat dhe zyrtarët e tij.

Opozita i tregoi botës se Edi Rama në fakt është një kryeministër, por pasi voton buxhetin, i ndalon opozitës të paraqesë ligje, duke i mohuar asaj 31 të tilla, pa proces të duhur parlamentar.

Opozita i tregoi botës të vërtetën se Shqipëria de facto nuk është më një demokraci, sepse Edi Rama kërkon t’i caktojë opozitës përfaqësuesit e saj. Sepse Edi Rama e blindoi njëlloj si një narkodiktator në romanet e Markezit, që opozita të mos kërkojë të drejtat e saj”, deklaroi Berisha.

Të fundit