Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

U kërkoi dorëheqjen, Bardhi dhe nënkryetarët e PD-Berishës: Kërkesa nuk ka asnjë lidhje me PD, refuzojmë!

Politiko 23 Nëntor 2021, 20:40

U kërkoi dorëheqjen, Bardhi dhe nënkryetarët e

Reagojnë sekretari i përgjithshëm Gazment Bardhi dhe nënkryetarët e PD, pas kërkesës së ish kryeministrit Sali Berisha se duhet të japin dorëheqjen dhe ti bashkohen ‘foltores’.

Në një deklaratë për mediat, ata theksojnë se refuzojnë shkeljen e Statutit për interesa personale të Sali Berishës dhe izolimin e Partisë Demokratike. Zyrtarët e PD shtojnë se kërkesa e Berishës nuk ka asnjë lidhje me PD, apo me hallet dhe problemet e demokratëve.

“Prej disa ditëve, për shkak të qëndrimit tonë në mbrojtje të demokratëve dhe interesit të Partisë Demokratike, z. Sali Berisha ka nisur një fushatë të padenjë sulmesh ndaj Nënkryetarëve dhe Sekretarit të Përgjithshëm të PD. Me keqardhje, përsëritet kërkesa që ne duhet të braktisim Partinë Demokratike dhe demokratët, dhe të bëhemi bashkë me Sali Berishën kundër partisë.

Secili prej nesh është i vendosur të refuzojë shkeljen e Statutit për interesa personale të Sali Berishës dhe izolimin e Partisë Demokratike. Kërkesa e z. Berisha nuk ka asnjë lidhje me PD, asnjë lidhje me standartet demokratike, asnjë lidhje me hallet dhe problemet e demokratëve. Demokratët kanë 8 vite që përballen me dhunën dhe terrorin e Edi Ramës, me krimin dhe bandat e tij dhe nuk jemi sprapsur as kthyer nga rruga për t’i shërbyer Shqipërisë dhe shqiptarëve. Ne e kemi për detyrë të jeni krah tyre.

Asnjë intimidim nuk do të ndikojë në qëndrimin tonë në krah të demokratëve, për një parti që u shërben atyre dhe jo që kthehet në mburojë të interesave personale të Sali Berishës, aleatëve të tij dhe cilitdo tjetër”, thuhet në reagim.

Nga foltorja e Burrelit, Berisha i bëri thirrje Sekretarit të Përgjithshëm të PD Gazment Bardhit, dhe nënkryetarëve të PD (Grida Duma, Alfred Rushaj, Enkelejd Alibeaj dhe Jorida Tabaku) të japin dorëheqjen e të mos rrinë si skllevër të Bashës, por t’i bashkohen këtij Kuvendi për të mirën e tyre.

Të fundit