Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Jepte para për vota në emër të tij, Vangjel Tavo e kallëzon në Prokurori: Mund të jetë pjesë e Policisë

Politiko 30 Mars 2021, 13:28

Jepte para për vota në emër të tij, Vangjel Tavo e

Drejtuesi politik i LSI-së në Qarkun e Gjirokastrës, Vangjel Tavo ka dorëzuar në Prokurori një kallëzim penal ndaj një individi, emrin e të cilit nuk e bën të ditur. Sipas tij, ky i fundit ka shkuar në disa lagje duke pyetur se cilat familje janë në nevojë që t'iu jepte para në emër të Vangjel Tavos në këmbim të votës për zgjedhjet e 25 prillit.

Në një deklaratë për mediat, Tavo e cilëson këtë si një skandal të thurur nga Partia Socialiste dhe kjo gjë vjen menjëherë pas denoncimit të tij se mazhoranca po ble vota deri në Gjirokastër me çmim deri në 500 euro.

Ndër të tjera, Tavo denoncon dhe se Ministria e Brendshme ka vënë në shërbim të fushatës aparatin e policisë së shtetit në kundërshtim të plotë me ligjin dhe kodin zgjedhor.

Deklarata e plotë:

Të nderuar banorë të qarkut Gjirokastër,
Ju informoj që dje bëra një kallëzim penal në prokurorinë e qarkut Gjirokastër, dhe tashmë e denoncoj edhe publikisht përpara jush, se një individ i kurdisur nga “Rilindja” ka shkuar në disa lagje dhe shtëpia banorësh duke përdorur emrin tim, duke u shtirur e gënjyer sikur është i dërguari im, duke pyetur banorët se kush janë familjet në nevojë që t’u japë para dhe t’u blejë votën.
Personi nuk është pritur nga banorët. Ai është i ardhur dhe nuk është nga qarku ynë. Por për Policinë e Shtetit është i njohur dhe mund të jetë edhe pjesë e forcave të Policisë.
Kaq poshtë ka rënë “Rilindja” dhe kaq të ligë dhe të paligjshëm janë sa që kryejnë veprime të tilla kaq të ulëta dhe kaq korruptive duke u përpjekur të minimizojnë humbjen e madhe që i pret më 25 prill.
Ky skandal vjen menjëherë pas denoncimit tim publik që bëra në media para pak ditësh se në Gjirokastër po blihen vota nga “Rilindja.” Me paratë e drogës dhe të korrupsionit duan të ruajnë pushtetin edhe më gjatë që të shtypin me këmbë edhe më shumë banorët dhe familjet e thjeshta.
Që të varfërojnë, zhvasin dhe shpopullojnë më shumë qarkun tonë, për të përmbushur misionin e tyre të ligë e dashakeq për ta izoluar dhe shkatërruar totalisht qarkun e Gjirokastrës dhe për ta shndërruar në një xhep gjeografik dhe xhep të përfitimeve të tyre me drogën dhe aktivitetet e paligjshme.
Ministria e Brendshme ka zbarkuar e gjitha me makina policie dhe foristrada që xhirojnë gomat në rrugët e Gjirokastrës, duke vënë në shërbim të fushatës aparatin e policisë së shtetit në kundërshtim të plotë me ligjin dhe kodin zgjedhor.
Kanë frikë nga humbja e thellë që i pret.
Ata me foristrada por unë Vangjel Tavo do i mund në këmbë. Sic i kam mundur gjithmonë. Në këmbë ju kam takuar derë më derë dhe në këmbë do vi gjithmonë për të ndarë hallet dhe shqetësimet me ju.
Të nderuar banorë të qarkut të Gjirokastrës,
Ju e dini më mirë se kushdo tjetër se kush bëj lojra të tilla kaq të ulëta e thur skenare të tilla mashtrimi.
Unë Vangjel Tavo kam shkelur vetë personalisht në cdo rrugë, jam ulur në cdo familje dhe kemi ndarë së bashku cdo hall e cdo shqetësim. Ndaj mos bini pre e këtyre mashtruesve rilindas që cojnë njerëz në emrin tim.
Rilindasit nuk vinë dot vetë tek ju sepse nuk justifikojnë dot varfërinë që ju shkaktuan, mjerimin që ju sollën, ndaj bëjnë akte të tilla të ulëta.
Mos bini pre e këtyre të mbaruarve dhe të larguarve. Së bashku do gëzojmë në fitoren e madhe të 25 prillit, kur do gëzojmë jo vetëm largimin e këtij sekti korruptiv dhe malinj, por të gjithë bashkë, opozitarë dhe socialistë të ndershëm, do punojmë për të hapur sa më shumë vende pune, të nxjerrim familjet e thjeshta nga varfëria, dhe të zhvillojmë qarkun tonë.
Ky është misioni im. Ky është premtimi im që do e mbaj fjalë për fjalë.
I bëj thirrje policisë së shtetit të distancohet nga skenarë të tillë provokimi dhe mashtrimi.
I bëj thirrje prokurorisë që padinë time të bërë sot ndaj këtij akti të shëmtuar të “Rilindjes” t’a zbardhë sa më shpejt dhe fajtorët të përballen me drejtësinë.
Të nderuar miq,
Edhe pak ditë dhe “Rilindja,” autorja e mjerimit të madh të qarkut tonë do shporret.
Mos bini pre e provokimeve, mos lejoni më t’ju gënjejnë dhe mashtrojnë, mos pranoni t’ju fyejnë integritetin dhe krenarinë tuaj dhe të kësaj treve.
Të gjithë së bashku t’i largojmë përgjithmonë dhe të nisim një të ardhme më të mirë për qarkun e Gjirokastrës.