Flash News

Zjarr në Lurë, flakët rrezikojnë Parkun Kombëtar

Në kërkim ndërkombëtar për drogë, kapet në Durrës 36-vjeçari (EMRI)

Shqyrtohet sot në Gjykatën e Lartë rekursi i Veliajt

Sot seanca në Gjykatën e Fierit, Salianji kërkon lirimin me kusht

Taksia përplaset me kamionin në aksin Lezhë-Shkodër, drejtuesi niset në gjendje të rëndë te Trauma

Ditari i Opozitës

"Jetesa është vështirësuar, nuk mbaj dot veten", Basha me qytetarët e bizneset: Situata është rënduar

Politiko 23 Shkurt 2021, 10:43
"Jetesa është vështirësuar, nuk mbaj dot veten",
Kryedemokrati Lulzim Basha gjate takimit me bizneset

Kryedemokrati Lulzim Basha zhvilloi sot takime me qytetarë e biznese të zonës së Njësisë Administrative nr.7 në Tiranë. Ai u njoh nga afër me shqetësimet e tyre dhe kryesisht për gjendjen ekonomike.

Rënia e konsumit, taksat e larta dhe gjobat ishin shqetësimet që u ngritën nga bizneset. Ndërkohë Basha akuzoi qeverinë aktuale se ka braktisur qytetarët, duke premtuar se do ta ndryshojë këtë situatë.

 “Jetesa është bërë shumë e vështirë. Tatimet po, siguracionet… ç’është kjo siguracionet, ku kemi ne të paguajmë kaq shumë. Apo kemi punë kaq shumë! Në kohën e pandemisë ne kemi rënë shumë, shumë, shumë keq! Kemi rënë aq keq, sa me zor nxjerrim bukën e gojës. Qiraja po, dritat po në stratosferë. Po pse rriten dritat dhe uji o djalë? A ka populli, pensionisti? Ka mundësi me i pagujt? Kaq di me thënë, më shumë nuk di nëna. Kam dhe burrin invalid edhe rri 2 orë sa për të shkuar për të bërë bukë. Torturohemi gjithë ditën, shkurt muhabetit. I kam ngrënë dy gjoba. Sa hapa dyqanin, po pija kafe me shoqet, vjen njëri hapur e kisha kafen, harrova ta shkruaj atë të shkretë, për një raki më vunë 500 mijë lekë gjobë”, tha një zonjë që drejton një biznes të vogël.

“Kam punuar 35 vjet dhe tani s’mbaj dot veten time me 170 mijë lekë pension. Nuk mbaj dot veten time", thotë një pensionist.

“Inshallah të vini në pushtet se për zotin është një katastrofë. Të gjitha taksat, tarifat. S’ka, ja rrimë gjithë ditën kështu. Shohim, numërojmë rrugët, njerëzit ça vijnë e çfarë dalin”, shprehet një qytetar tjetër.

Qytetari: Mendoj se programi jot do ketë progres e zhvillim për vendin. Besoj që këto premtimet e tua mos të jenë në kuadrin e premtimeve elektorale.

Basha: Unë s’kam premtime. Vetëm program e angazhime

Qytetari: Serioziteti jot na jep vetëbesim, vetëbesimi jot na jep sukses e cdo gjë do jetë në rregull.

Kryetari i PD, pasi i dëgjoi shqetësimet e tyre, tha se gjendja është e rëndë por qeveria e tij që do të dalë pas 25 prillit ka një plan që ndihmon biznesin, qytetarët dhe shpëton ekonominë nga rrënimi.

Basha: Ka 8 vite që qeveria s’ka bërë asnjë gjë për këta njerëz, absolutisht asgjë. E del tani që po i vjen fundi e thotë edhe unë s’jam i kënaqur. Në fakt vetëm ai dhe një grusht njerëzish duhet të janë të kënaqur se kanë fituar miliona në kurriz të shqiptarëve.

Ne kemi dalë më një plan për të ndihmuar biznesin. Se po qe biznesi mirë do jenë gjithë njerëzit mirë, do jenë punonjësit mirë, do jenë familjet e tyre mirë, mirë do jenë të punësuarit.

Të fundit