Flash News

Bien infektimet nga Covid-19 në vend, shënohen tre humbje jete

Kriza ekonomike/ PD del me dy propozime, Berisha-Ramës: Revolta qytetarë do të vendosë për këto 2 kërkesa

Aksident në aksin Lezhë-Shkodër/ 7 të plagosur, një fëmijë në gjendje kritike

Posta e mëngjesit/ Me 2 rreshta: Çfarë pati rëndësi dje në Shqipëri

Bilanci i Covid-19 në vend, sa infektime dhe humbje jete u regjistruan në 24 orë

Ditari i Opozitës

“Ka parazitë në bashki që s’dinë pse paguhen”, Korreshi dhe Nallbati debat me zyrtaren te ‘Territorialja’

Politiko 4 Korrik 2022, 11:59

“Ka parazitë në bashki që s’dinë pse

Mbledhja e Komisionit të Reformës Territoriale është shoqëruar me debate. Gjatë seancës dëgjimore me përfaqësues të shoqërisë civile, dy deputetët e PD Bledion Nallbati dhe Saimir Korreshi kanë ngritur pyetje që kanë vendosur në vështirë përfaqësuesen Albana Dhimitri.

Nallbati tha se ka shumë ‘parazitë’ sot në bashki që konsumojnë taksat e shqiptarëve, dhe punonjës të cilët nuk e dinë as vetë sepse e marrin rrogën.

Nga ana tjetër, Korreshi ngriti si problematikë shërbimet që ofrohen nëpër njësitë vendore. Deputeti tha se përpos digjitalizimit për të cilën qeveria flet, cilësia e shërbimeve lë për të dëshiruar.

Dhimitri iu përgjigj deputetëve duke thënë se shteti krijon një standard minimal kombëtar në dispozicion të bashkive dhe se debati sot nuk mund të zhvillohet duke u fokusuar te fondi i pagave.

Debati:

Nallbati: Kam dy pyetje të drejtpërdrejta. Thatë që janë rritur të ardhurat e bashkive. Këtë e shikoni si efiçencë më të mirë të bashkive apo mos ndoshta është e lidhur me rritjen e taksave dhe tarifave vendore. E dyta, ju thoni mos merremi me fondin e pagave. Sot ka më shumë parazitë që konsumojnë paratë e taksapaguesve shqiptarë në njësitë e qeverisjes vendore. Ka sot shumë punonjës që e marrin pagën pa e ditur se çfarë pune kanë, pa shkuar asnjë ditë në punë.

Korreshi: Keni qenë ndonjëherë në terren për të parë? E dyta, a është normale që 14 komuna u shkrinë në 12 bashki ekzistuese? Nëse keni zbritur në terren, çfarë ofrohet në njësitë administrative? Nuk i referohem Tiranës, kemi hall ne që flemë andej poshtë. Tani i keni bërë digjitale ju, por ata të shkretët kanë disa vite që nuk kanë zbritur në Lushnje, jo të kenë digjitalizim. Se shalqinj mbjellin andej. Si ka mundësi që sot ka më shumë punonjës në administratë edhe pse i kemi digjitalizuar shërbimet? A e dini ju që janë mbyllur shkollat e Lushnjës që nga viti 2015 e këtej dhe që 5 klasat e fillores bëjnë mësim në një klasë me një mësuese. Ky ligji i bashkëqeverisjes e shton apo e heq këtë autonomi. Tani cilësia e shërbimit ku është? Është rritur cilësia e shërbimit në bashkitë e tjera? Keni bërë një raport? Fshatrat janë lënë djerrë.

Dhimitri: Ka një koncept që quhet standardi minimal kombëtar. Shteti krijon ato ligje dhe i vë detyrim bashkive që të krijojë standardin minimal kombëtar. Çdo qytetar përfiton një standard minimal në shërbime dhe bashkitë konkurrojnë me njëra-tjetrën për të arritur këto standarde. Debati nuk kthehet te fondi i pagave. Konceptimi i një reforme ka të bëjë me faktin se ku e shikoni pushtetin vendor, ka të bëjë me rolin që doni t’i jepni qeverisë vendore.