Flash News

Drejtorët në shënjestër! Pas Fierit dhe Durrësit, Rama mbërrin në Elbasan

Emri/ Identifikohet 23-vjeçari që u gjet i pajetë pranë liqenit të Shkopetit

Aksioni i IKM-së në Theth, banorët dalin në protestë

U denoncua i zhdukur nga i ati, 23-vjeçari gjendet i pajetë pranë liqenit të Shkopetit

U mbyt duke shpëtuar dy turistë në Shkodër, vijojnë kërkimet për trupin e kapitenit të anijes turistike

Ditari i Opozitës

"Ka shpërndarë formular", PL denoncon qeverinë: Si po shantazhon administratën për votën e diasporës

Politiko 3 Nëntor 2024, 15:33

"Ka shpërndarë formular", PL denoncon qeverinë: Si po

Sekretari për Diasporën në Partinë e Lirisë, Besnik Jakaj ka akuzuar Qeverinë Rama se ka shpërndarën në administratë një formular, duke i detyuar ata që të deklarojnë njerëzit e tyre që jetojnë në Diasporë me adresë, emër, mbiemër, numër telefoni, njësi vendore dhe kod postar.

Në një deklaratë për mediat, Jakaj tha se PS është "duke i shantazhuar punonjësit e administratës publike për të deklaruar dhe mbledhur vota në kundërshtim me ligjin për "Rilindjen".

Deklarata: 

Të nderuar qytetarë, jam para jush, për të denoncuar në emër të Partisë së Lirisë, formularin që i është shpërndarë Administratës Publike, mësues, mjekë dhe të gjithë Administratës Publike.
Është shpërndarë nga Qeveria një formular për të deklaruar njerëzit e tyre që jetojnë në Diasporë me adresë, emër, mbiemër, numër telefoni, njësi vendore dhe kod postar, që të votojnë për "Rilindjen".
Kjo është në kundërshtim të plotë me statusin e nëpunësit civil, me kodin e punës, për të detyruar në mënyrë të turpshme, të paligjshme dhe duke i shantazhuar punonjësit e administratës publike për të deklaruar dhe mbledhur vota në kundërshtim me ligjin për "Rilindjen".
Të nderuar kolegë, mësues, inxhinier, mjekë, juristë, kudo që punoni dhe jetoni, Qeveria Shqiptare po ju shantazhon dhe po ju detyron të shkelni ligjin, prandaj ngrihuni në lartësinë e dinjitetit të intelektualëve dhe të dinjitetit njerëzor, për tja u përplasur në surrat drejtuesve tuaj këtë formular të paligjshëm dhe të shëmtuar, sic e bën Diaspora në New York të Amerikës, që ja thanë jashtë dhe brenda sallës drejtuesit të Narkoqeverisë, ja numëruan të gjitha gjëmat dhe bëmat që i ka bërë vendit tonë të dashur dhe të përbashkët në 12 vite qeverisje.
Të nderuar punonjës të administratës publike, jam këtu në emër të Partisë së Lirisë, për tju garantuar që sapo Opozita shqiptare të jetë në pushtet, secili prej jush do respektohet në dinjitetin tuaj njerëzor dhe profesional për punën dhe aktivitetin që dini të bëni, pa ju përfshirë në mënyrë të pavullnetshme e antiligjore në asnjë lloj fushate politike.
Të nderuar punonjës të administratës publike shqiptare, ju i dini cmimet e rritura, ju i dini pagat që merrni dhe si e përballoni koston e jetesës cdo ditë ne familjet tuaja me shportën që është më e shtrenjta në Europë pa përmendur naftën e të gjitha të tjerat.
Të nderuar punonjës të administratës publike, qytetarë shqiptarë në Shqipëri e në Diasporë, duhet të bashkohemi të gjithë me mosbindjen civile për të shpëtuar Shqipërinë dhe për ta bërë vendin tone më të begatë e më të jetueshëm për ne që jetojmë në Shqipëri, për fëmijët tanë e për Shqipëtarët që duan te investojnë e të rikthehen në Atdheun e tyre të dashur .

Të fundit