Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Kadilli dorëzon zyrtarisht kandidaturën për kryetar të PD-së: Gara është asimetrike, s'do t'i tradhtoj kurrë demokratët

Politiko 21 Maj 2021, 12:25

Kadilli dorëzon zyrtarisht kandidaturën për kryetar të

Anëtari i Kryesisë së PD-së, Fatbardh Kadilli ka dorëzuar këtë të premte në selinë blu kërkesën zyrtare për të kandiduar në zgjedhjet e brendshme të Partisë Demokratike për kreun e ri të kësaj force politike.

Në një prononcim për mediat, Kadilli tha se kjo garë është asimetrike, duke theksuar se Lulzim Basha ka në dispozicion të gjitha mjetet që ishin organizuar për të përballuar Edi Ramën. Por, ai theksoi se moralisht ndihet shumë më tepër superior para kryedemokratit 

Mes të tjerash Kadilli parashtroi disa nga virtytet e tij politike, duke shtuar se nuk i ka tradhtuar kurrë demokratët dhe as nuk do e bëjë.

“Sot bëra kandidimin për kreun e PD. Është një moment i rëndësishëm për PD. Ka shumë ngarkesë, emocion të shumëfishtë, është moment kthese. Ndonëse është një garë asimetrike sa i përket mjeteve të kandidatëve. Kryetari në detyrë, nuk del as nga zyra, dhe ka në dispozicion të gjitha mjetet që ishin organizuar për të përballuar kundërshtarin Edi Rama. Tani do jetë përballë meje si kandidat. Por ka dhe një gjë tjetër, që është asimetria morale, ndihem shume herë më superior para tij. Vijë në këtë garë për t’i shërbyer PD dhe jo për t’u shërbyer. Vijë në këtë garë duke u ballafaquar me vlerat, pastërtia, integriteti politik, përvoja, zotësia për të mbajtur fjalën e dhënë, aftësia e demonstruar në 30 vite në PD për të qenë luajal me këtë parti. Jam njeri që e mbaj fjalën, kam kontribuar, nuk kam tradhtuar kurrë PD. Skam tradhtuar kurrë asnjë nga demokratët dhe s’do e bëjë. Për të ringritur PD, për ta bërë të hapur dhe fituese.”, tha Kadilli.

Kujtojmë se deri tani, Fatbardh Kadilli është kandidat i vetëm përballë Bashës në zgjedhjet e 13 Qershorit për kreun e PD-së, ndërkohë që pritet të dalin kandidatë dhe nga "Grupimi për PD-në"

Të fundit