Kandidimi i Çomos dhe Bozos në PS, Ndoka: Rama po i përdor si personazhe, u kujtojnë shqiptarëve tërmetin e pandeminë

Kreu i PDK-së, Nard Ndoka ka komentuar kandidimin e mjekes Nadaja Çomo dhe inxhinieres Luljeta Bozo.

Në një intervistë për report tv, Ndoka thotë se këto dy figura nuk duhet të përfshiheshin në politikë pasi do i kujtojnë shqiptarëve tragjedinë me tërmetin dhe pandeminë.

Ndoka shton se ato po i përdor kryeministri Edi Rama si personazhe.

 “Nuk besoj që është shumë e rëndësishme, por politika ka nevojë për politikanë dhe jo personazhe për ti përdorur, këto nuk kanë dhënë  asgjë për politikën. Ne të gjithë kemi thënë se Komiteti i Ekspertëve drejtohet nga Rama dhe Çomo e vërtetoi këtë duke veshur bluzën e partisë dhe lënë bluzën e bardhë.  Këto thjeshtë pranuan të përdoren dhe keqpërdoren nga Rama”, tha Ndoka.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm