Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

KED dorëzon listën, përplasje në Kuvend për anëtarin e Kushtetueses; Gjoni debaton me Hysin: Pse vetëm 1 kandidat?! Po shkelet kushtetuta

Politiko 17 Dhjetor 2020, 12:37

KED dorëzon listën, përplasje në Kuvend për

Foto Ilustruese/ Parlameti i Shqipërisë

Kuvendi pritet të shqyrtojë edhe projektvendimin “Për zgjedhjen e një anëtari të Gjykatës Kushtetuese”. Në listën emërore të paraqitur nga Këshilli i Emërimeve në Drejtësi është paraqitur vetëm një kandidatë.

Referuar këtij fakti ka reaguar deputeti i opozitës, Ralf Gjoni, i cili e cilësoi këtë një procedurë e jashtëligjshme, duke kërkuar sqarim pse ka ndodhur kështu. “Në listën që do të duhet të miratohet sot, duhet të ishin 3 kandidatë dhe jo vetëm 1”, tha Gjoni.

Ndërkaq, Balla ka ftuar deputetët që të mbështesin këtë moment historik, sipas tij, “me qëllim që Kuvendi të përmbyll detyrimet e veta për sa i përket formimit të Gjykatës së re Kushtetuese”.

Pjesë nga debati Gjoni-Hysi:

Gjoni: Në që sapo parashtruat tani thatë se KED ka dërguar kandidaturën për vakancën në Gjykatën Kushteutee. Sipas kushtetuese, KED duhet të na dërgoj një listë me 3 emra, ju e dini këtë shumë mirë si juriste që jeni. Sot kam para meje një listë me një emër. Kushtetua më detyron që të përzgjedh 1 emër nga 3 emra në liste. Tani dua të di pse është futur një fletë e tillë votimi në kundërshtim të hapur me ligjin e cila u amendua e shkruar nga ekspert të OPDATE dhe Eurualis. Pse duhet ë votojmë në kundërshtim me rregullat? Sot dua të votojë për një anëtar të Gjykatës Kushtetuese, por jo kundër ligjit. Nëse diçka e tillë do të votohej në Francë, Angli, do bëhej skandal. Pse duhet të votojmë vetëm një emër dhe pse po thyejmë kushtetutën?! Ndaj zonja Hysi na e shpjegoji se pse sot deputetët ftohen që të thyejnë Kushtetutën!

Vasilika Hysi: Faleminderit për adresimin e një çështje që e shikoni si të drejtë. Të nderuar kolegë me lejoni të sqaroj se Kuvendi me nenin 155 të Kushtetutës, i cili është ndryshuar me ligjin 67 të vitit 2016, gjyqtarët kushtetues janë 9, 3 nga të cilat propozohen nga Kuvendi. Kemi parasysh dhe ligjin për gjykatën kushtetuese. Ju keni sot përpara një kandidaturë të shqyrtuar në komisionin e Ligjeve, që ka bërë një procedurë transparente. Ju keni vlerësimin e të gjitha kritereve që kërkon ligji për anëtarin e Kushtetueses. Komisioni i Ligjeve për herë të parë me unianimitet i ka dhënë pëlqimin kandidaturës. Kuvendi e ka rishpallur vendin e lirë për këtë pozicion 4 herë. Ka pasur 4 herë thirrje për të plotësuar këtë vend të lirë. Kuvend e shpalli për herë të 4 këtë kandidaturë.

Ralf Gjoni: Faleminderit për shpjegimin goxha të detajuar zonja Hysi. Juve po më thoni se në kushtet e jashtëzakonshme ku gjendet republika e Shqipërisë, ku në 12 muaj nuk gjenden dot 3 emra që të garojnë për Gjykatën Kushtetuese, meqë kjo gjykatë nuk ekziston, ‘hajde thyejmë ligjin dhe mbushim këtë vakancë’. Më jepni mua të drejtën që të dal tek rruga dhe të marrin dy qytetarë dhe e bëjmë kështu. Po e kthejmë republikën në një treg të shëmtuar. Dua që Gjykata Kushtetuese, Gjykata e Lartë të funksionojnë dhe SPAK po ashtu. Përzgjedhja e kandidatëve në institucionet e drejtësisë, në kundërshtim të hapur me kushtetutën, e bën procesin të atakueshëm në Gjykatën Europiane të të Drejtave të Njeriut. Ndjej peshën e përgjegjësisë që sot të votojë një nga 3 emrat. Është e trishtë që sot duhet ta pranojmë se në 3 milionë banorë nuk gjejmë dot 3 veta që të garojnë për në Gjykatën Kushtetuese. Kjo tregon për karakterin dëshpërues ku ndodhet drejtësia.

Balla: Nuk e kuptoj debatin që po ndodh. Nuk jemi në komision të ligjeve, jemi në seancë plenare. Kuvendi i Shqipërisë ka autorizuar komisionin e çështjeve ligjore të verifikojë procedurat dhe madje të zhvillojë dhe intervistën me kandidatin. Kjo është një çështje e shteruar për sa i përket diskutimit dhe ftoj deputetët të mbështesin këtë moment historik ku Kuvendi i Shqipërisë është institucioni i parë që përmbyll detyrimet e veta që ka për sa i përket formimit të Gjykatës së re Kushtetuese.