Flash News

Krimi elektoral në Belsh, Prokuroria e Elbasanit 4 punonjës të IMT pas kallëzimit të PD

Ditari i Opozitës

Kedhi: BE e lodhur nga Rama, qeveria të krijojë besueshmëri për investime

Politiko 10 Prill 2025, 11:00

Kedhi: BE e lodhur nga Rama, qeveria të krijojë besueshmëri

Nikola Kedhi nga Departamenti i ‘Brain Gain’ në PD, tha se fondet për financime dhe investime në Shqipëri nuk kërkohen duke bërë ‘shoë’.

Në një lidhje për Syri Tv, Kedhi iu referua fotove që Rama reklamon në Facebook nga SHBA dhe me zyrtarë të BE.

Kedhi tha se për fondet që kërkon të marrësh nga partnerët ndërkombëtare, duhet të krijosh besueshmëri si drejtues i atij vendi. Ndërsa iu referua raportit të DASH, Kedhi vuri në dukje problematika të theksuara të Shqipërisë për klimën e të bërit biznes dhe investimeve në vendin tonë.

“E para duhet të dish të kërkosh fonde e të lobosh e jo vetëm të bësh foto me presidentin amerikan apo të tjerë, të lobosh për vendin tënd, e bën rajoni e Shqipëria dhe kryeministri jot s’e bën. E dyta partnerët ndërkombëtare qeveritarë, duhet të kenë besueshmërinë që fondet do përdoren si duhet. Raporti i DASH, thotë që investitorët e gjejnë të vështirë Shqipërinë për të bërë biznes, dhe gjejnë korrupsionin në sektorin publik, gjyqësor dhe prokurimet publike, pastrimin e parave dhe sërish Shqipëria në perceptimin e korrupsionit është në nivele të ulëta. Në vendin e 98, nga 180. Fondet e hedhura do përdoren në mënyrë eficente, si do të vijnë  investitorët për të investuar. U panë paratë e IPARD, me çfarë kostosh bëhen rrugët, s’mund të dërgojnë financime serioze në qeveri, kur ka probleme të tilla të konsiderueshme.

Sinjale që perëndimi e jo vetëm, BE është i lodhur nga Rama ka pafund, Janë sinjale të tilla, në SHBA kryeministri sa ka që s’shkon në nivele të takimeve të larta, që kur plasi dosja Mc Gonigal atje. Në BE, përpiqet me lidhjet e tij dhe rrjetit Soros, i ka ardhur dita t’i kufizohet influenca deri diku, pavarësisht se është relativisht më i fortë se Amerika. Është parë jo vetëm se si shpërdoron fondet, por ka ikur koha kur Shqipëria ishte zhdukur nga ai muri i padukshëm nga ambasadat dhe diplomatët deri diku të korruptuar që ishin më shumë si anëtarë të kabinetit Rama se sa si përfaqësues të vendeve të tyre.

Ndaj ka ndërgjegjësim më të madh në BE dhe institucionet evropiane për atë çka ka ndodhur në Shqipëri gjithë dekadën e fundit me përvetësimin e këtyre fondeve. Qeveria shqiptare kërkon para pa pasur projekte. Që të kërkosh projekte duhet të kesh zhvillimin e vendit si prioritet, kështu ka funksionuar qeveria shqiptare ndër vite. Mjafton ët marrësh fonde me atë parimin e  famshëm ‘KÇK’, dhe më pas gjejnë projekte që t’i zbatojnë ato me kosto tejet të lartë, në mënyrë që të të rritet edhe sasia e parave të vjedhura. Edhe BE ka ardhur moment që fondet e tyre t’u dhimbsen, si kanë me tepri që t’i shpërdorojë qeveria shqiptare”, deklaroi Kedhi.

 

Të fundit