Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Këlliçi akuza PS-së: E ka shndërruar blerjen e votës në institucion, bashkëpunon me bandat e Elbasanit dhe Durrësit

Politiko 15 Prill 2025, 16:42

Këlliçi akuza PS-së: E ka shndërruar blerjen e votës

Kandidat për deputet në listën e Partisë Demokratike në qarkun e Tiranës, Belind Këlliçi akuzoi Partinë Socialiste për blerje dhe manipulim votash, në bashkëpunim me grupe kriminale dhe përfaqësues të biznesit klientelist.

Në një postim në rrjetet sociale, Këlliçi shkruan se gjuha fyese e kryeministrit Rama, është proverbiale, duke tejkaluar dhe kufijtë e Shqipërisë, ndaj i ka kerkuar SPAK-ut, të reagojë ndaj shkeljeve të rënda ligjore që prishin garën elektorale. 

 "Sot, kreu i grupit të strukturuar rilindas paska sulmuar Partinë Demokratike, duke e portretizuar atë si blerëse të votave dhe problem për demokracinë. Është karakteristikë e autokratëve ta gjejnë problemin tek opozita dhe të përpiqen ta zhbëjnë atë. Kjo shkon në linjë edhe me thirrjen e tij kriminale antidemokratike ndaj elektoratit për ta intimiduar të votojë.

Edi Rama është arkitekti i rrënimit të nivelit të diskutimit demokratik në vend.

Thirrjeve të kryetarit të PD-së Sali Berisha për debat ai iu përgjigjet me tallavanë e zhabave, bufave dhe zhapikëve. Rama ka ndërtuar një Big Brother të madh politik, ku procedura ligjore e parlamentare është shndërruar në një spektakël fyes, me zarfa të zinj për bashkëpunëtorët e ngushtë dhe survejim patronazhist total të qytetarëve.

Gjuha e tij bullizuese, fyese, në kufijtë e çmendurisë, është tashmë proverbiale, duke tejkaluar madje dhe kufijtë e Shqipërisë. Së fundmi, Partia Demokratike i drejtohet institucioneve, posaçërisht SPAK-ut, të reagojë ndaj shkeljeve të rënda ligjore që prishin garën elektorale.Të tilla janë të faktuara, qoftë edhe në faqen time në Facebook.

Partia Socialiste e ka shndërruar blerjen dhe manipulimin e votës në institucion, me bashkëpunimin e biznesmenëve parazitë dhe bandave kriminale në Elbasan, në Durrës, në të gjithë Shqipërinë", shkruan Këlliçi. 

Të fundit