Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Ditari i Opozitës

Këlliçi: Bashkia ka dështuar prandaj Tirana është në kaos

Politiko 24 Mars 2025, 15:20

Këlliçi: Bashkia ka dështuar prandaj Tirana është

Drejtuesi politik i PD për Tiranën, Belind Këlliçi, shprehet se Tirana është përpirë nga mbeturinat, duke theksuar se qyteti është i mbushur me plehra, ndërsa institucionet përgjegjëse dështojnë të ofrojnë zgjidhje.

Këlliçi në një postim në Facebook e cilësoi këtë situatë si një pasqyrë të dështimit të Bashkisë së Tiranës dhe të qeverisë aktuale, e cila, sipas tij, e ka përbuzur vazhdimisht qytetarin dhe ka lënë pas dore menaxhimin e infrastrukturës dhe mjedisit.

Postimi i Plotë:

Tirana përpihet nga mbeturinat!

Nxënësit në shkolla duhet të mësojnë si të ruajnë mjedisin, si ta mbajnë të pastër atë. Ndërsa nxënësit në Tiranë kalojnë mbi plehrat e hapura rrugëve për të shkuar aty ku duhet të mësohet e kundërta, pastaj edhe pasi kryejnë mësimin, sërish kthehen nga e njëjta rrugë, mbi të njëjtën pështirësi kudërmuese të kësaj qeverie të papërgjegjshme, të kësaj qeverie, e cila e përbuz qytetarin e saj vazhdimisht.

Qartësisht, Bashkia Tiranë ka dështuar në të gjitha aspektet, i ka humbur të gjitha funksionet. Gjithçka që ndodh, vetëm sa qëmton të vërtetën e kapitullimit të këtij institucioni inekzistent për qytetarët. Institucion, i cili është shndërruar në një patate të nxehtë e cila hidhet nga një dorë në një dorë tjetër, prandaj Tirana është në kaos.

Foto: Pranë banesave sociale Shkozë-Tiranë

Të fundit