Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Këlliçi denoncon skandalin: Drejtorët e Veliajt po bëjnë emërime dhe plotësojnë dokumentet e Bashkisë nga burgu

Politiko 5 Korrik 2024, 22:23

Këlliçi denoncon skandalin: Drejtorët e Veliajt po

Anëtari i Kryesisë së Partisë Demokratike, Belind Këlliçi denoncoi drejtorët e kryebashkiakut të Tiranës, Erion Veliaj, që ndodhen në qeli, se po firmosin dokumente të viteve më parë, për të manipuluar hetimet nga burgu i Fierit ku ndodhen.

Në një intervistë në “Ora News”, ai tha se ky është një dështim spektakolar i reformës në drejtësi, teksa shtoi se vendimi i Apelit të Posaçëm është një kthesë vendimtare për fatet e hetimit dhe për zbardhjen e vjedhjeve të drejtorëve në Bashkinë Tiranë.

“Hetimet po bëhen si grup i strukturuar për faktin se dokumentet dhe provat që ne kemi depozituar dhe faktet që ne kemi bërë publike, pra ne kemi ndjekur një strategji edhe me grupin e ekspertëve pranë Partisë Demokratike, që ne nuk jemi mjaftuar me kallëzimet në SPAK. Por një pjesë të mirë të materialeve ne i kemi bërë dhe publike, në mënyrë që dhe publiku të njihet më mirë me faktet që ne disponojmë dhe bazuar në ato dokumente është jashtë çdo lloj dyshimi që në Bashkinë e Tiranë ka një grup ntë strukturuar kriminal. A janë ndarë në 1, 2 apo 3 grupe, këtë duhet të na e thotë vetë SPAK-u, sepse janë 3 dosje shumë të rëndësishme: është “5D”-ja, incineratori i Tiranës dhe “Eco Tirana”. Të trija këto dosje kanë personazhe të njëjta. Edhe incineratorët si Fieri, Elabasani dhe Tirana sërish i kanë pasur personazhet e njëjta.

Në periudhën kur është hetuar Elbasani e Fieri, e më pas Tirana, SPAK-u nuk kam asnjë dyshim që ka amnistuar grupin kriminal të incineratorit, duke copëzuar dosjet e duke i ndarë në tresh. Në rastin e Tiranës, ku është edhe “5D”-ja edhe “Eco Tirana”, këtë copëzim e kanë të pamundur. Është për t’u përshëndetur rekomandimi i dy ditëve më parë i Apelit të GJKKO-së, për dy masat e marra ndaj tyre. Në rastin e parë për “5D”-në që kanë thënë se duhet të trajtohen si grup i strukturuar kriminal. Për qytetarët që na ndjekin duhet të kuptojnë se duhet të jenë 3 apo më shumë persona, e në rastin konkret janë 5 drejtorë, Erion Veliaj dhe shumë personazhe në Tiranë, do duhet që vepra e tyre është e zgjatur në kohë, ku në 7 vite këta kanë përfituar rreth 30 milionë euro. Dhe kushti i tretë që duhet të jetë një vepër e mirëmenduar dhe e tillë është.

E mira e kësaj, është se pas vendimit personal që do të marrin këta persona nga gjykata, do t’i shtohen edhe 5 vite më shumë si grup i strukturuar kriminal, për shkak të veprës që ata kanë kryer në bashkëpunim. Dhe do të duhet të futen në hetim pasuror të gjithë personazhet e akuzuar. Dhe ne do të kuptojmë se kush janë pronarët tek hoteli “La Brisa”, tek hotel “Mediterrania” një objekt 50 milionë eurosh që është duke u ndërtuar në Durrës, kush janë pronarët e bizneseve dhe kështu do të dalin të gjitha të palarat e tyre në shesh.

Këtë amnisti që po i bën SPAK-u Erion Veliajt dhe drejtorëve të tij, dhe ndërkohë që po flasim Altin Dumani dhe prokurorët e tij janë kthyer në mburojën e Erion Veliajt dhe drejtorëve të tij, të cilët po ju jap dhe lajmin ekskluziv nga studioja juaj: sot që ne flasim nga burgu i Fierit ata drejtojnë punët në Bashkinë e Tiranës, kanë bërë emërime këtë javë në Bashkinë Tiranë dhe në institucione të tjera shtetërore, dhe vijojnë të plotësojnë praktika të prapambetura, për shkak se kur kanë qenë titullarë në Bashki nuk kanë vrarë mendjen të bëjnë dokumentet.

Kanë pasur garancinë mesa duket se nuk do të kallëzoheshin dhe nuk do të prekeshin nga askush. Dhe tani janë duke plotësuar dokumentet edhe për një arsye tjetër, sepse jam i informuar që për momentin në Bashkinë Tiranë ka shkuar edhe Kontrolli i Lartë i Shtetit. Pra, SPAK-u dhe Altin Dumani jo vetëm që nuk e merr këtë grup kriminal para ligjit, jo vetëm e amniston por i lënë të lirë që nga burgu ku janë sot drejtorët e Erion Veliajt të bëjnë punët, të bëjnë emërime dhe të plotësojnë dokumentet përmes avokatëve të tyre. Ky është një dështim spektakolar i reformës në drejtësi”, u shpreh Këlliçi.