Këlliçi dhe Zhupa kallëzim penal në Polici për kërcënimet në Sharrë: Autorët janë Rama e Veliaj

Kreu i FRPD-së Belind Këlliçi dhe zëdhënësja e PD-së Ina Zhupa kanë depozituar sot në Policinë e Tiranës kallëzimin penal ndaj personave të landfillit të Sharrës për kërcënim dhe shantazh gjatë kryerjes së detyrës së tyre.

Nëpërmjet një deklarate për mediat Këlliçi dhe Zhupa akuzuan Ramën e Veliajn, teksa shprehen se ata janë autorët e sulmit ndaj tyre.

Deklarata e plotë e Belind Këlliçit:

Siç ju kemi bërë me dije, jemi këtu tek Policia e Tiranës së bashku me Ina Zhupën, zëdhënësen e PD, për të bërë një kallëzim, për shantazhim dhe kërcënim në kryerjen e detyrës tonë.

Siç u bë e ditur sot, me pamje filmike, zë e figurë, ne jemi penguar në detyrën tonë, për të bërë një denoncim në të mirë të publikut.

Persona të paidentifikuar na kanë ardhur sot dhe na kanë kërcënuar për tu larguar nga territori i landfillit të Sharrës, një skenë krimi, ku 4 vite më parë ka humbur jetën një 17-vjeçar, Ardit Gjoklaj dhe sot e kësaj dite nuk ka asnjë njeri të ndaluar.

Nëse mafia e plehrave e drejtuar nga Edi Rama dhe Erion Veliaj në bashkëpunim me Arben Ahmetajn se do të na stepin dhe shantazhojnë, ta dinë se e kanë të kotë.

Deklarata e plotë e Ina Zhupës:

Ne denoncuar agresionin që ka ndodhur sot në landfillin e Sharrës. Ne kemi marrë përsipër për të bërë publike pamje e fakte nga ky landifill. Inskenimi i sotëm me sulme ndaj opozitës ishte drejtuar nga Edi Rama dhe Erion Veliaj. Rama e Veliajt nuk duan që qytetarët të mësojnë se kush janë pronarët e incineratorëve, ku shkojnë taksat dhe u jepen pronarët pa emër.

Rama e Veliaj kanë frikë nga e vërteta që fshihet pas atyre incineratorëve. Ata bëjnë mirë që kanë frikë, sepse nesër do të hetohen për zhdukjen e 75 milionë eurove, që janë dhënë në emër të pronarëve të paemërt që janë në parajsa fiskalen.

Ne çdo ditë do të informojmë publikun se ku shkojnë taksat e tyre.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm