Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Këlliçi: Nuk kemi luksin të përjashtojmë asnjë demokrat. Basha privilegjoi aleatët, po të ishin demokratë do të fitonin më shumë

Politiko 17 Qershor 2021, 12:57

Këlliçi: Nuk kemi luksin të përjashtojmë asnjë

Belind Këlliçi

Kandidati fitues në zgjedhjet e 25 prillit, Belind Këlliçi u shpreh se Partia Demokratike nuk ka luksin që të përjashtojë asnjë demokrat. Kështu u shpreh ai për "Report TV", teksa u pyet në lidhje me kandidatët për kreun e PD-së dhe fatin e tyre politik në këtë parti.

"Ata janë shprehur publikisht se nuk do të tentojnë të largohen nga PD. Ata kanë thënë që projektin do të vijojnë në PD. Ky është vendim i marrë. Personalisht mendoj se ne nuk kemi mundësinë dhe luksin për të humbur asnjë demokrat", tha Këlliçi.

Ky i fundit ka folur edhe temat që do të diskutohen në Kuvendin Kombëtar më 17 korrik. Ai tha se analiza e zgjedhjeve dhe aksioni opozitar janë dy çështjet kryesore që pritet të diskutohen.

Këlliçi shtoi se do të shikohet edhe performanca e derjtuesëve politikë, duke theksuar se secili duhet të mbajë përgjegjësinë e tij, pasi perforomanca nuk ka qenë perfekte.

Lidhur me këtë ai nënvizoi se nuk synohet "prerja e kokave", por përmirësimi i performancës. Ai tha se analizës do t'i nënshtrohen edhe aleatët e së djathtës.

Sipas Këlliçit, nëse në vende të caktuara do të kishte kandidatë të PD-së, do të kishin një performancë më të mirë se aleatët në zgjedhje.

"I gjithë procesi ka nisur që nga dita e nisjes së garës së brendshme në PD. Kandidatët janë hasur më pyetje të shumta me shumë problematika, djegien e mandateve, mos hyrjen në zgjedhjet lokale etj. Tashmë zyrtarisht do të nisë procesi në çdo qelizë dhe në çdo degë. Duhet parë edhe performanca e drejtuesve politikë.

Gjithsecili duhet të mbajë përgjegjësinë e vet, jo çdo gjë ka qenë perfekt, duhet bërë një analizë e vërtetë. Të gjitha këto do ti bëhen të ditura Kuvendit Kombëtar që do të mbahet me 17 korrik.

Analiza e masakrës zgjedhore dhe aksioni opozitar janë çështje që do të jenë kryeteme e diskutimit në Kuvendin Kombëtar. Ne duhet të shkojmë para anëtarëve tonë për të dhënë llogari dhe për të bërë një analizë të vërtetë secili duhet të mbajë përgjegjësi për rezultatin dhe e gjitha kjo do të bëhet për rritjen e performancës dhe jo për prerje kokash.

Mendoj se aleatët nuk janë lënë mënjanë, kanë qenë të privilegjuarit nga ana e PD. Nëse do kishin pasur në disa vende të caktuara kandidatë të PD, do të kishin pasur një performancë shumë herë më të lartë. Procesit të analizës nuk duhet t'i nënshtrohen vetëm drejtuesit e PD-së, por edhe aleatët dhe çfarë kontributi kanë dhënë", tha Këlliçi.