Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Këlliçi: Pas Bllakos, pritet që edhe Tahiri të dalë nga burgu

Politiko 7 Tetor 2022, 22:23

Këlliçi: Pas Bllakos, pritet që edhe Tahiri të dalë

Deputeti i PD-së, Belind Këlliçi ka komentuar vendimin për nxjerrjen nga burgu të ish-deputetit socialist Alqi Bllako.

Duke folur në Klan News, deputeti është shprehur se kemi të bëjmë me një “drejtësi të kontrolluar” dhe ka qenë “Kryeministri Rama ai që ka zgjedhur se kush do të shkojë në burg”.

“Qëkur ne kemi pasur Komisionin Hetimor të Inceneratorëve, Bllako ka qenë i ftuar për të dëshmuar dhe nuk ka dëshmuar pasi ai ishte nën cilësinë e të pandehurit nga SPAK. Fjalët qarkullonin që atëherë që të gjithë ato që po shkojnë para drejtësisë, po shkojnë për shkak se kemi të bëjmë me një drejtësi të kontrolluar.

Padyshim që këto do të amnistohen, do të bëjnë pak muaj burg ose 1 vit burg dhe ishte pikërisht Rama ai që zgjidhte se kush do të shkojë në burg, se kush do të sakrifikohej dhe partia do t’i qëndrojë pas. 

Qëkur është bërë në fakt ndalimi i Bllakos dhe i Lefter Kokës, apo i anëtarëve të KVO për rastin e Fierit dhe të Elbasanit, ne e kemi thënë se ky është një proces i orkestruar nga Edi Rama sepse nuk është Bllako personi që ka hartuar dhe ndjekur këtë proces. Nëse SPAK do të bëjë drejtësi, aty janë personat përgjegjës, fillon me Edi Ramën”, u shpreh Këlliçi.

Mes të tjerash, ai ka deklaruar se fjalët qarkullojnë se “ish-ministri Saimir Tahiri do të dalë shumë shpejt nga burgu”.

“Është analizë logjike. E kam thënë që në fillim, ka ndodhur e njëjta gjë me Tahirin: Dha garanci se nuk do të shiste asnjeri dhe është i pashqetësuar sot dhe fjalët janë dhe mbajeni shënim këtë, fjalët janë se pritet që shumë shpejt të dalë nga burgu, e njëjta gjë me Bllakon dhe me Kokën dhe këtë e kemi thënë që në fillim”, tha deputeti.

Të fundit