Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Këlliçi: Rama zgjodhi Ballukun para integrimit, por fajin ia faturon opozitës

Politiko 11 Prill 2026, 19:21

Këlliçi: Rama zgjodhi Ballukun para integrimit, por fajin ia faturon

Deputeti i Partisë Demokratike, Belind Këlliçi i është përgjigjur akuzave të kryeministrit Edi Rama lidhur me procesin e integrimit europian të Shqipërisë.

Në një reagim në rrjetet sociale, Këlliçi thekson se mbështetja ndaj Belinda Balluku dhe shmangia e drejtësisë për çështje të ndjeshme kanë çuar në bllokimin e negociatave, ndërsa përgjegjësia, sipas tij, po i faturohet padrejtësisht opozitës.

Reagimi i plotë:


Me Ballukun në krahë, për të cilën pengoi integrimin e Shqipërisë, Edi Rama (miku i Ron Yeffetit dhe Charles McGonigal), fajëson si gjithmonë Opozitën!
Duke pasur në krah Belinda Ballukun, mbrojtja e të cilës në Kuvend me 82 kartona është arsyeja kryesore pse Shqipëria nuk po e mbyll dot kapitullin kryesor me BE, Edi Rama arriti sot në një nivel të paimagjinueshëm të gënjeshtrave e shpifjes, sikur Opozita po pengon integrimin.
Një ligësi që nuk bën më punë as tek ata që e duatrokasin, që thirren aty me urdhër partie.
Edhe më militanti, edhe patronazhisti më i verbër, e di mirë se Edi Rama zgjodhi Belinda Ballukun, përpara integrimit.
Ishte Brukseli në Tiranë që foli me gojën e McAllister, e tha qartë: “Imuniteti i Ballukut, është test kritik për Shqipërinë”! Edi Rama vendosi ta mbrojë Ballukun, të pengojë drejtësinë për aferat e tij, për abuzimet e tij prej miliarda eurosh dhe për këtë akt, sot procesi ka ngrirë, teksa Mali i Zi po ecën çdo ditë e më shumë.
Për ta bërë mashtrimin më të madh, shoku i Ronit u thotë militantëve të tij sikur paska folur dhe e di se çfarë ka ndodhur dhe me vendet e tjera të rajonit.
E vërteta është se vendet e rajonit që janë integruar, apo që po ecin përpara në këtë proces, i kanë plotësuar kriteret që ka kërkuar Brukseli. I vetmi që refuzoi kërkesën e tyre, që zgjodhi Belindën para ligjit, para drejtësisë, para Shqipërisë, është Edi Rama.
Dhe ai është përgjegjësi i vetëm pse procesi për ne ka ngecur.
Dhe nuk ka fare turp të mburret me zgjedhjen që ka bërë, pasi del me të pandehurën për 1.1 miliardë euro abuzim, në krah. Duke i dhënë edhe më shumë pushtet, imunitet e paprekshmëri.
Kjo është arsyeja pse për Shqipërinë ka pyetje të tjera, ka çështje të tjera, ka skepticizëm dhe shtyrje të integrimit!

Të fundit