Flash News

Ditari i Opozitës

Kërkoi interpelancë me Ramën, por foli Manastirliu, irritohet Ralf Gjoni: Qeveria fsheh të vërtetën, do përballemi me një mbyllje eventuale

Kërkoi interpelancë me Ramën, por foli Manastirliu, irritohet
Foto Ilustruese/ Deputeti i opozitës, Ralf Gjoni

Deputeti i opozitës, Ralf Gjoni, i irrituar për mungesën e kryeministrit Rama në interpelancën e sotme, e ka akuzuar atë se po iu bën bisht pyetjeve për pandeminë.

Sipas Gjonit, Rama i është shmangur interpelancës 4 herë, por ai e ka refuzuar, teksa sot i ka deleguar ministres dhënien e llogarisë përballë parlamentit.

Deputeti thekson se në këtë situatë, me mungesën e masave nga qeveria, Shqipëria mund të përballet me një mbyllje eventualisht.

"Kam kërkuar interpelancë me Ramën për 4 pyetje. Shof një shkerë paçavure, zoti kryetar interpelancë me ministren. Në mënyrë cinike dhe rallëse jo ndaj meje por ndaj shqiptarëve kryetari ka vënë firmën në një shkrim me gabime dhe për të kërkuar interpelancë...

Nuk mora përgjigje. Kjo tregon se Rama i bën bisht pyetjeve në Kuvend, unë mund të flas me Ramën kur të më dojë qejfi po këtu kërkohen që kryeministri të ketë minimumin e dinjitetit për t'u përgjigjur në Kuvend për disa pyetje të rëndësishme.

Kemi mjekë që kryejnë vepra penale duke rënduar shëndetin e qytetarve, dhe askush përgjigjet dhe nuk merr masa, kjo është tallje me shqiptarët. Është i vetmi vend që hyjmë në faqen zyrtare të kryeministrisë dhe s'ke asnjë protokoll dhe informacion në lidhje me pandeminë. Asnjë informcion në anglisht për protokollet në lidhje me pandeminë.

Kjo qeveri nuk po merr masat e duhura dhe juve si media duhet ta ngrini zërin dhe ne duhet të vazhdojmë ta ngremë zërin kundrejt këtij kryeministri që bën monologje", tha Gjoni.

Ditari politik

Të fundit