Flash News

Rama ‘tund’ kartën e integrimit edhe me shqiptarët e Greqisë: Më jepni votën, t’iu jap integrimin

Dhunoi kunatën dhe fëmijët e saj të mitur, arrestohet 35-vjeçari në Fier

Pas muajit të Ramazanit, besimtarët myslimanë festojnë sot Fitër Bajramin

Posta e mëngjesit/ Me 2 rreshta: Çfarë pati rëndësi dje në Shqipëri

Shpërthim me lëndë plasëse në Lagunën e Patokut, dëmtohet ambienti pranë një lokali

Ditari i Opozitës

Këshilltarët e opozitës letër KE-së: Rama nuk njeh autonominë vendore, ka uzurpuar bashkinë e Tiranë

Politiko 28 Mars 2025, 09:00

Këshilltarët e opozitës letër KE-së: Rama nuk njeh

Grupi i Këshilltarëve Bashkiakë të Opozitës në Bashkinë Tiranë kundërshton metodat autoritariste dhe të paligjshme të Edi Ramës, siç ishte rasti i zëvendësimit të kryetarit të arrestuar të Bashkisë, Erjon Veliaj, me nënkryetaren, Anuela Ristani.

Me anë të një letre drejtuar Kongresit të Autoriteteve Lokale dhe Rajonale të Këshillit të Evropës, këshilltarët e Opozitës bëjnë të ditur se është cenuar autonomia e pushtetit vendor, si dhe u margjinalizua roli i Këshillit Bashkiak, duke u shmangur nga vendimmarrja. Në letrën e tyre Këshilltarët e Opozitës bëjnë me dije se përpos kësaj, ka shenja të qarta se administrata e Bashkisë Tiranë po manipulohet dhe kërcënohet për t’u përdorur në zgjedhjet e datës 11 maj.

Duke dënuar fuqimisht ndërhyrjet e paligjshme të Ramës në këtë proces, Grupi i Këshilltarëve të Opozitës në Bashkinë Tiranë i bën thirrje institucioneve ligjzbatuese të vijojnë hetimet për çdo rast korrupsioni dhe intimidimi të administratës. Gjithashtu, ata kërkojnë nga Kongresi i Autoriteteve Lokale dhe Rajonale në Këshillin e Evropës të marrë në shqyrtim situatën e krijuar dhe të ndërhyjë për të mbrojtur standardet demokratike në pushtetin vendor në Shqipëri.

Dokumenta bashkëngjitur

Të fundit