Flash News

Zjarr pranë qendrës së personave me aftësi të kufizuar në Berat, dyshohet i qëllimshëm

Në kërkim ndërkombëtar për korrupsion, ekstradohet nga Afrika administratori i Inceneratorit të Fierit

Zjarr në Kavajë, përfshihet nga flakët një pikë grumbullimi hekurash

Apeli i GJKKO-së lë në fuqi sekuestron e pasurive të Arben Ahmetajt

Arrestohet në Tiranë Astrit Sinanaj, tentoi dy herë të vriste një biznesmen

Ditari i Opozitës

Klevis Balliu në listat e LSI? Kryemadhi shuan përfundimisht zërat: E njoh që fëmijë

Politiko 2 Nëntor 2020, 18:42

Klevis Balliu në listat e LSI? Kryemadhi shuan përfundimisht

Kryetarja e LSI, Monika Kryemadhi ka shuar përfundimisht zërat se ish-deputeti i PD, Klevis Balliu i skualifikuar nga anëtarësia për të qenë pjesë e garës për listat e PD, do të kandidojë krah LSI në zgjedhjet e 25 prillit.

Duke folur në një intervistë për Report Tv, Kryemadhi tha se PD dhe LSI, nuk i bëjnë karshillëk njëri-tjetrit dhe se Balliu vazhdon të jetë anëtar i PD.

"Në fakt unë Klevisin e njoh që fëmijë. Klevisi është anëtar i PD-së, nuk është anëtar i LSI-së dhe këtu nuk është problemi që ne t’i bëjmë karshillëk njëri-tjetrit. Unë jam e bindur që vlerësimin e Partisë Demokratike të Klevis Balliut nuk ka ngelur që t’ia bëjmë ne, por t’ia bëjë vetë kryetari i saj dhe PD-ja. Unë nuk mendoj se të qënurit në listat e deputetëve është po themi gjë e domosdoshme. Ajo që është shumë e rëndësishme është që listat e LSI-së, do të jenë lista të cilat do të vijnë pas një lloj procesi, jo vetëm të përfshirjes së anëtarësisë, por edhe të opinionit publik, edhe të leximit të kandidatëve të mundshëm që mund të ketë LSI-ja në qarqe të mundshme.

Ne kemi përzgjedhur koordinatorë politikë, të cilët janë jo vetëm koordinatorë politikë për përgatitjen e axhendës elektorale, por edhe për ngritjen e grupeve të punës gjatë fushatave elektorale, të cilët jo vetëm marrin angazhimin e tyre nëpër struktura, por edhe një angazhim të gjithë përfshirjes së gjithë elementëve që i duhen një partie politike në fushatë elektorale. Sepse mund të jesh simpatizant, por nuk do të jesh anëtar i partisë. Mund të jesh militant që punon në fushatë dhe je mjaft aktiv, por nuk do të jesh i përfshirë në listat e deputetëve.

Për një gjë ju garantoj, që ne do të jemi shumë të  kursyer për sa i përket biznesmenëve, me lidhje të forta me bizneset apo ata që kanë qenë edhe përfitues me tenderë publik, që nuk do të jenë  pjesë në listat tona.

Ne do të përkushtohemi shumë te njerëz që janë personalitete dhe njerëz me meritokraci në fushat e tyre profesionale dhe akademike e sidomos ajo për të cilën ne shquhemi, partia e të rinjve dhe të rejave, pra do të jenë shumë të rinj dhe të reja. Mendojmë që sot shqiptarët më shumë se kurrë duan t’i japin fund tranzicionit. Pavarësisht se mund të kemi figura të cilat kanë kontribut 16 vjeçar në LSI, njerëzit do të duan të shikojnë që këtij kontributi 16 vjeçar të figurave të LSI-së, t’i shtohen edhe kontribute të reja që vijnë me të rinj dhe të reja, të cilët kanë mbaruar studimet jashtë shtetit, duan të rikthehen në Shqipëri, apo shumë të rinj dhe të reja të cilët janë studentë të ekselencës, pjesë e profesionit të lirë në Shqipëri e që duan të jenë të përfshirë në këtë jetë politike.

Kështu që ky do të jetë një miksim i këtyre individualiteteve, që ka nevojë jo vetëm për hapjen e partisë, por edhe për të sjellë një frymë të re, por edhe një vizion të ri, sepse unë jam e bindur që fëmijët e mi mund të jenë më përparimtarë dhe më të evoluar, për sa i përket përdorimit të kompjuterit, telefonit e të tjera. E kështu në politikë ndodh që ka djem dhe vajza të rinj, të cilët vijnë me ide të reja për politikën, për arsimin, për ekonominë, për shëndetësinë pra po themi metodologjinë  e vjetër të tranzicionit që duan apo nuk duam ne vazhdojmë të jemi dhe jam e bindur që do ti japim një fund këtij tranzicioni politik ekonomik dhe social që ka Shqipëria prej 30 vitesh"

Të fundit