Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Kolegu nuk e ndjek, por e mbron: Marku eshte personalitet. Mos hidhni balte

Politiko 27 Gusht 2021, 21:05
Kolegu nuk e ndjek, por e mbron: Marku eshte personalitet. Mos hidhni balte

Deputeti i zgjedhur i PD-së, Agron Gjekmarkaj të premten ka reaguar për dorëheqjen e Mark Markut nga deputet i Kuvendit të Shqipërisë, duke theksuar se ndjen keqardhje të thellë për largimin e tij, por që do ta ketë në krah në betejat parlamentare.

Gjekmarkaj shprehet se do jetë pjesë e Kuvendit të Shqipërisë, por largimi i Mark Markut është një lajm i keq për politikën, për Parlamentin e ri të Shqipërisë dhe shumë tepër për PD-në dhe të djathtën e këtij vendi.

“Të gjithë ata që nxitojnë për një shkak, a një tjetër të hedhin baltë, të bëjne insinuata ndaj Markut për trille a komplekse, a thjeshtë për smirë, ndiej detyrimin t’ju them që Mark Marku është personalitet akademik, publik e politik me integritet të lartë e të pacënueshëm, njeri i vendimeve të guximshme të cilat lënë shije habie nga pas, por edhe shumë nevojë për reflektim e meditim. Duhet të maten mirë kur i mbushin grushtat me baltë për të rënë në sy si gardian të devotshem”, thekson Gjekmarkaj.

Sipas tij, Mark Marku, do të jetë ai zëri unik dhe i paekuivok; si gjithmonë në llogoren ku rrinë të gjithë ata që përballen me regjimin kleptokratik të Edi Ramës.

“Qytetarëve të Lezhes, Mirditës dhe Kurbinit, votuesve tanë, qytetarve dhe demokratëve ndiej për detyrë t’u them përpjekja do të jetë maksimale për t’i përfaqësuar për të mbajtur çdo premtim etik që së bashku me Prof Markun u bëmë gjatë fushatës elektorale për një përballje, të pashoqe, të pakompleksuar, dhëmb për dhëmb, e sy për sy, me qeverinë më banale e korruptive, më të keqen e më të pështiren e këtyre 30 viteve”, shprehet ai.

Gjekmarkaj thotë se diversioni që po bën sot pushteti me mediat e veta për largimin e Mark Markut si deputet i PD-së, do të jetë në pak ditë një kafshatë që nuk do kapërdihet dot.

Ai thekson se Prof.Markun do ta kenë përballë, siç e kanë pasur komunistët, neokomunistët, kleptokratët dhe hajdutët në këto 31 vjet pluralizëm. /Gazeta Panorama

Të fundit