Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

"Komisioni i Zgjedhjeve në PD, i njëanshëm", Nishani: Do jemi një kapak që do ziejë, beteja do të jetë e gjatë

Politiko 19 Maj 2021, 09:33

"Komisioni i Zgjedhjeve në PD, i njëanshëm", Nishani:

Kryetar i Këshillit Kombëtar të Partisë Demokratike, Bujar Nishani ka deklaruar se Komisioni i Zgjedhjeve në PD është ndërtuar në mënyrë të njëanshme dhe sipas tij, kryedemokrati Lulzim Basha po përcakton rregullat e garës.

"Basha po përcakton se kur do të bëhen zgjedhjet brenda partisë, kush ka të drejtë të shkojë në zgjedhje dhe sa kohë ka në dispozicion për fushatën. Komisioni i Zgjedhjeve në PD nuk është i drejtë, është ndërtuar në mënyrë të njëanshme nga zoti Basha, Gara është e padrejtë dhe e paragjykuar që në fillim, por beteja është e gjatë dhe në betejë ka edhe sakrifica. Ne jemi të gatshëm t’i bëjmë sakrificat, ndryshe nga zoti Basha. Nëse dikush nuk e mund Lulzim Bashën, do të vijë tjetri. Beteja për reformimin e PD-së do të jetë e gjatë. Nuk tërhiqemi nga rruga që kemi nisur. Basha nuk është i interesuar as për reformimin e partisë dhe as për reflektim. Për të ka rëndësi vetëm që të vazhdojë të jetë formalisht kryetar i PD-së. Ai e di fare mirë se mund të qëndrojë si kryetar i PD-së, por nuk i fiton dot zgjedhjet”, tha Nishani në A2.

Nishani tha se beteja për reformimin e PD-së do të jetë e gjatë dhe me sakrifica. Sipas tij, kush mendon që do të jetë një deja vu e viti 2017 ku pati zëra kritikë që më pas u shuan, është i gabuar, pasi beteja do të vazhdojë deri në rrëzimin e modelit të Bashës.

“Unë jam për betejë politike dhe kush ka mbështetjen që e rrëzon Bashën me këto manipulime që po bën, unë mendoj që duhet hyrë në betejë. Ai që mund Bashën, mund modelin e tij nëse nuk e mund zotin Basha beteja do të vazhdojë. Unë jam përgatitur për betejë të gjatë për reformimin e PD. Kush e mendon se do jetë deja vu e 2017, është i gabuar. Ne do jemi një kapak që do ziejë, një presion të madh që do të shpërthejë siç duhet dhe nuk tërhiqemi nga kjo se është çështje e PD dhe jo e zotit Basha. Kur flasim për barazi e vlera në garë flasim për çështje përplasjesh. Duhet hyrë në garë. Beteja është e gjatë dhe në betejë ka sakrifica. Ne jemi gati të marrim përsipër sakrificën” tha Nishani.

Nishani theksoi se nëse nuk reagojnë PD asgjësohet, ndërsa bëri thirrje për ringritjen e kësaj force politike. Ish-presidenti tha se modeli nuk është vetëm akumulimi i së shkuarës por edhe produkt i risive negative që ka sjellë Basha.

“Nëse nuk reagojmë do të asgjësohemi, do të mbetemi 15 -20 %. Kemi prekur fundit, hajde të ringrihemi. Do sakrificë punë dhe procese. Jam kundër refuzimit të ringritjes.

Berisha fitoi në 2005 dhe krijoi një imazh tjetër të PD. Modeli nuk është vetëm akumulimi i së shkuarës por edhe produkt i risive negative që ka sjellë Basha. Berisha ka qenë me autoritet të fortë. Berisha ishte kryetar, nënkryetari ishte nënkryetar dhe sekretari i përgjithshëm po ashtu anëtari i kryesisë. Sot Basha tenton të jetë, edhe kryetar, edhe nënkryetar dhe sekretar i përgjithshëm dhe kryetar dege. Kryetari i Këshillit Kombëtar nuk ka një tavolinë dhe karrige. E kupton si trajtohet partia. Këto janë koncepte që tregojnë ku ka mbetur civilizimi i nuk e përjashtoj veten nga përgjegjësia” tha Nishani.

Duke e konsideruar të drejtë kandidimin e Fatbardh Kadillit për kreun e PD-së, Nishani theksoi se do të vlerësohen ata që japin garanci për ringritjen e PD, teksa përjashtoi edhe veten nga gara. Gjithashtu ai përjashtoi edhe ndikimin apo mbështetjen e ish-kryeministrit Sali Berisha në këtë mision për ringritjen e PD-së.

“Grupi për PD nuk është institucionalizuar, na bashkojnë idetë, kemi gjykuar që duhet të jetë dikush në garë. Të gjithë ata që janë brenda grupit, janë opsione, përveç Nishanit. Kandidatura e Kadillit është e drejtë e tij, për të garuar, por ne do të gjykojmë se kush jep garancitë më të mëdha për mëbshtetje për ringritjen e PD. Nëse unë do të veproja si njeri, si politikan e ish-president, kryetar i Këshillit Kombëtar mbi bazën e ndikimeve të tjera përfshirë dhe Berishën nuk do të isha i vërtetë para shqiptarëve e Berishën e kam patur bashkëpunëtor dhe mik gjithë jetën, por nuk ka lidhje mes asaj që mendon Berisha dhe asaj që jam shprehur unë. Do të fyeja Berishën dhe veten time. Unë kam shprehur gjithçka që ndjej dhe besoj” tha Nishani.