Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Ditari i Opozitës

Korrupsioni, Vasili: SPAK duhet të reagojë dhe të shohë se si “të zgjedhurit e Rilindjes” po paditen

Politiko 20 Mars 2023, 16:41

Korrupsioni, Vasili: SPAK duhet të reagojë dhe të shohë se

Nënkryetari i Partisë së Lirisë, Petrit Vasili ka mbajtur një qëndrim kritik ndaj SPAK teksa është shprehur se korrupsioni në Shqipëri është i shtrirë gjerësisht në të gjitha institucionet e vendit.

Në studion e News24, Vasili u ndal dhe te 14 maji, të cilin e cilësoi si një ditë të jashtëzakonshme për të rikthyer llogaridhënien.

“Ne jemi bashkë të katër partitë, pra edhe PD që drejtohet nga Sali Berisha dhe këtë nuk e lëviz topi”, është shprehur Vasili teksa thekson se një forcë shumë e rëndësishme si PD, në mënyrë mafioze është mbajtur jashtë regjistrimit.

“BE ka caktuar një çmim tavan të energjisë deri në fund të 2024. Shqipëria i ka mundësitë pafund që të prodhojë të gjithë energjinë në vend. Këtu ka një sektor që menaxhohet në mënyrë kriminale. Këta prokurojnë me 270 euro, ndërsa Europa ka vendosur një çmim tavan për të evituar keqmenaxhimet. Por këtu qeverisin mafiozët dhe llogari nuk japin. Ndaj 14 maji është një ditë e jashtëzakonshme për të rikthyer llogaridhënien që të mos konsiderohet normalitet.

Ne jemi bashkë të katër partitë, pra edhe PD që drejtohet nga Sali Berisha dhe këtë nuk e lëviz topi. Besoj nuk e keni harruar 6 marsin. Një forcë shumë e rëndësishme si PD, në mënyrë mafioze është mbajtur jashtë regjistrimit, por nuk ka asnjë problem, pasi janë 61 kandidatët e koalicionit ‘Bashkë Fitojmë’.

‘Bashkë Fitojmë’ është optimizëm shumë i fortë, kjo masë 80 % e pakënaqur do të reagojë. Do të shkojmë në zgjedhje ku nuk ka asnjë shtresë shoqërore që të jetë e qetë. Edhe një njeri i paguar mirë largohet nga vendi sepse nuk ndjehet i sigurt. 85% e njerëzve janë në panik. Kemi shpopullimin më të frikshëm. Jemi si në ‘91. Kjo ‘Rilindje’ që ka pushtetet dhe drejtësinë është në akuzë përballë shqiptarëve. Po shkojmë një sigël “Bashkë Fitojmë”. PD e Alibeajt vetëm e ka penguar kauzën tonë. Çdo sakrificë është asgjë përpara asaj që qytetarët presin. Qytetarët duan një qeverisje tjetër. Shqipëria është një ndër tre vendet me rrezikun më të rëndë sa i takon koncensioneve dhe PPP, këtë e ka thënë Banka Botërore dhe sa i takon korrupsioni Departamenti Amerikan i Shtetit thotë se korrupsioni është kapilar. Dhe tani na kanë futur në monitorim edhe për performancën fiskale”, është shprehur Vasili.

Nënkryetari i PL-së tha se pandëshkueshmëria në vend është kthyer në normalitet dhe se kjo nuk mund të tolerohet nga institucionet e drejtësisë.

Vasili nuk i kurseu kritikat ndaj qeverisë Rama, duke thënë se të zgjedhurit e “Rilindjes”’ po kallëzohen me radhë.

“Nuk kemi pasur kurrë problem për fondet, fushata nuk ka nevojë për fonde. Ata kanë nevojë për luks. Thanë; Do të sjellim ujë Korçe me çmim bathore, por ku është? Tani ujin e kemi me orar. Ato minimume të domosdoshme ne si forcë politike kemi një fond që e përfitojmë në mënyrë të ligjshme, dhe nuk kemi nevojë për asgjë tjetër.

Një në pesë kryetar bashkie të Rilindjes po kallëzohen dhe paditen. Pra duket se janë një bande. Opozita kurrë nuk ka shpifur ka denoncuar me fakte. Kemi denoncuar afera të mëdha. SPAK a e ka lëvizur gishtin për inceneratoorin e Elbasanit, por për Engjëll Agaçin, ishte dhe një në Përmet.

Shkëmbime zjarri në distancë me kryeministria e ish-ministra, por ky SPAK a nuk duhet të lëvizë? Nuk ka turp, se i janë dërguar dokumente. Pandëshkueshmëria është bërë ‘beton’, SPAK duhet të reagojë dhe të shohë se si të zgjedhurit e Rilindjen po paditen”, tha Vasili.