KQZ miraton listën finale të PD-së, i nxjerr jashtë 78 kandidatët tepër

Komisioni Qendror i Zgjedhjeve ka miratuar sot listën finale kandidatëve për deputetë të koalicionit “Partia Demokratike- Aleanca për Ndryshim'' për zgjedhjet parlamentare të 25 prillit. KQZ  ka miratuar listën vetëm me 153 kandidatë të "PD-AN" nga 231 emra që kishte në total, duke i nxjerrë jashtë 78 kandidatë të tjerë, pasi nuk e lejonte kodi zgjedhor.

Në listat e PD-së kishte më shumë kandidatë seç duhej: në Elbasan 6 kandidatë më tepër, në Dibër 3, Fier 6, Berat 6, Durrës 6, Korçë 9, Kukës 6, Lezhë 3, Shkodër 9, Tiranë 9, Vlorë 6 dhe Gjirokastër 9 emra më shumë.

Në kuadër të dekriminalizimit, KQZ deklaron se nga verifikimet i ka rezultuar se asnjë kandidat i PD nuk ka ndalim. “Nuk ka asnjë ndalim për kandidatët e aleancës së PD, nga të dhënat që ata kanë deklaruar. Drejtoria e Gjendjes Civile ende nuk ka kthyer përgjigje” deklaron KQZ.

"Për dy kandidatët e PD, 8 në Durrës dhe 5 në Shkodër, KQZ ka bërë verifikim paraprak, e nëse do të jetë rasti për këta e të tjerë që ka indicie, do të bëjmë verifikim të thelluar në bashkëpunim me Prokurorinë. Kjo do të bëhet vetëm pasi ne të miratojmë listën e kandidatëve të këtij subjekti. Kodi Zgjedhor përcakton saktë numrin e kandidatëve që duhet të paraqesë subjekti në cdo qark. Edhe pse lista në këtë rast nuk është në përputhje me Kodin, ne nuk jemi përpara rastit të refuzimit të kësaj liste. Por mund të aplikojmë sanksione sipas ligjit për këtë subjekt.  Nuk jemi në kushtet për të refuzuar listën." u shpreh kreu i KQZ-së Ilirjan Celibashi

LISTA E KOALICIONIT OPOZITAR E RIDEPOZITUAR:

LISTA E TIRANËS 45 KANDIDATE

LISTA E KUKËSIT 9 KANDIDATE

LISTA E KORCËS 21 KANDIDATE

LISTA E FIER 24 KANDIDATE

LISTA E ELBASANIT 18 KANDIDATE

LISTA E SHKODRES 21 KANDIDATE

LISTA E DURRËSIT 21 KANDIDATE

LISTA E DIBRËS 9 KANDIDATE

LISTA E BERATIT 12 KANDIDATE

LISTA E GJIROKASTRËS 9 KANDIDATE

LISTA E VLORËS 18 KANDIDATE

LISTA E LEZHËS 12 KANDIDATE