Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

COVID-19/ Kreu i PD-së Basha: Situata drejt përkeqësimit, mbroni veten

Politiko 7 Nëntor 2020, 14:43

COVID-19/ Kreu i PD-së Basha: Situata drejt përkeqësimit, mbroni

Kreu i Partisë Demokratike, Lulzim Basha ka postuar një videomesazh ku i drejtohet qytetarëve shqiptarë lidhur me situatën e krijuar prej COVID-19 - ku po shtohen rastet e infektimit çdo ditë e më shumë.

Siç po shihet nga shifrat, Europa dhe Shqipëria po preken nga ajo që konsiderohet si "vala e dytë" e koronavirusit dhe është e rëndësishme që të shtohet vetëkujdesi. Këtë ka thënë dhe Basha në mesazhin e tij, ku ndër të tjera thekson se mungon lidershipi dhe fajëson Ramën për gjendjen e krijuar dhe masat që nuk janë marrë.

MESAZHI I PLOTE

Është e qartë tashmë se vala e dytë e pandemisë ka goditur Shqipërinë dhe gjendja po përkeqësohet dita-ditës. Numri i atyre që kanë humbur jetën nga virusi, i të shtruarve në spital dhe i të infektuarve me COVID po rritet në mënyrë tragjike.

Ju shpreh ngushellimet e mia te gjithe familjeve qe kane humbur njerëzit e tyre të dashur ne betejen me coronavirusin.

Nuk ka gje me te dhimbshme se pamundesia per tu ardhur ne ndihme familjareve dhe te afermeve të sëmurë.

Te dashur bashkeqytetarë,

Shqiperia ka nevojë për lidership.

Për fat të keq, sot kjo na mungon. Vendi gjendet në krize shendetesore dhe ekonomike, pa asnje mase dhe plan per menaxhimin e saj. Spitalet janë të mbipopulluara, urgjencat janë përplot me qytetarë që presin ndihmë. Mjekët janë të mbingarkuar, të pambrojtur dhe pa mjetet e nevojshme për të luftuar sëmundjen. Disa prej tyre e kanë paguar me jetë.

Dua të shpreh mirenjohjen, respektin dhe solidaritetin tim me mjeket, infermieret dhe te gjithe personelin shëndetësor qe sot po bejne te pamunduren per tu ardhur ne ndihme qytetareve, ndonëse pa mbështetje dhe në kushte shumë të vështira.

Vendi ka nevojë për lidership ekonomik!

Kjo qeveri ka dështuar të menaxhojë situatën. Sot, shqiptarët janë më të kërcënuar dhe më të varfër se çdo qytetar tjetër në rajon.

Pamundesia ekonomike e ka bërë edhe me të veshtire perballimin e krizes shendetesore. Shumica e qytetareve nuk përballojne dot kostot e larta të medikamenteve qe perdoren per te trajtuar koronavirusin.

Kjo është e papranueshme!

Si lideri i opozitës, ne ketë situatë shumë te veshtire, me përgjegjësi të plote kam ofruar alternativa, kam ofruar zgjidhje. I kam kerkuar kryeministrit të pergjigjet me seriozitetin që i kërkon detyra dhe situata.

E vetmja përgjigje është se fajin e kane qytetaret.

Nuk eshte faji i qytetareve, mungesa e mjekeve, e laboratoreve, e testimeve, e kapaciteteve spitalore. Nuk eshte faji i qytetareve per cmimet me te larta ne rajon te barnave per trajtimin e semundjes, rritja e papunesise dhe pamundesise ekonomike.

Ne, kemi mbështetur qe nga fillimi çdo hap ne mbrojtje te shendetit te njerezve dhe kemi ofruar zgjidhje.

Por ne bëjmë përgjegjëse qeverinë për mungesën e lidershipit dhe te veprimit nga ana e saj.

Te dashur bashkeqytetare,

Asgje nuk eshte me e çmuar se jeta dhe shendeti juaj. Prandaj ju bej thirrje te tregoni maksimumin e vëmendjes dhe kujdesit për te mbrotjur veten, fëmijët, prindërit dhe familjen!