Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Kreu i PD Vlorë: Një minorancë si Basha, nuk mund ta bëjë pis vendimmarrjen e anëtarësisë

Politiko 13 Dhjetor 2021, 10:38

Kreu i PD Vlorë: Një minorancë si Basha, nuk mund ta

Kuvendi i 11 Dhjetorit shkarkoi Lulzim Bashën, me 4446 vota pro, nga posti kryetarit të Partisë Demokratike, Ky i fundit, fill pas vendimeve të Kuvendit, nis ‘ofensivën’ e tij për të rrëzuar vendimet e marra nga Kuvendi i Berishës.

Kreu i PD-së në Vlorë, Genc Deromemaj, i shkarkuar nga Kryesia e PD-së bashkë me 10 krerë të tjerë të degëve në rrethe, i konsideron vendimet e Bashës nul dhe pas asnjë pasojë.

Në një lidhje për RTV Ora, Deromemaj shprehet se Basha tanimë nuk është asgjë tjetër, veçse një deputet i thjeshtë i PD-së, dhe jo më një kryetar.

"E drejta e anëtarit të thjeshtë të zotit Basha të mos e njohë por përveç kësaj të drejtë nuk ka asnjë të drejtë. Më fal është dhe deputet. Kuvendi vendosi me votë maksimale, 4446 anëtarë votuan pro shkarkimit të Bashës nga detyra e kryetarit. Kuvendi me shumicë absolute ka shkarkuar Bashën, sekretariatin, nënkryetarët dhe kryesinë. Çdo vendim në mendjen e zotit Basha apo atyre pak njerëzve që ka pranë në atë seli janë vendime nul, nuk kanë asnjë pasojë", tha Deromemaj.

Për kreun demokrat të Vlorës, Kuvendi i 11 Dhjetorit ka qartësuar se ku është pozicionuar shumica dërrmuese e anëtarëve. Sipas tij, rithemelimi i PD-së do të konkludohet më 22 mars kur do të mblidhen për të zgjedhur kryetarin e ri.

"Kuvendi është struktura më e lartë e PD. Për të implemetuar vendimet e Kuvendit është caktuar një Komision Rithemelimi me 29 anëtarë që tashmë e kanë filluar punën për riorganizimin dhe rithemelimin e PD që do të konkludohet me zgjedhjen e kryetarit me 22 mars kur do të mblidhemi përsëri. Basha mund të ketë dëshirat dhe ëndrrat e tij, diferencën mes tij dhe nesh e tregoi data 11. Të mblidhen 15 mijë demokratë në kushte të jashtëzakonshme moti, luftë dhe linçim të çuditshëm, por mbi të gjitha delegatë me të drejtë vote. Është qartësuar nga është shumica absolute. Një minorancë si zoti Basha dhe ndonjë bashist i vogël pranë tij nuk mund ta bëjë pis vendimmarrjen e anëtarëve të PD", u shpreh Deromemaj.

Të fundit