Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Kriza energjitike/ “Rithemelimi” mbledh ekspertët, Berisha: Rritja e çmimeve, pasojë e vjedhjes

Politiko 20 Prill 2022, 12:53

Kriza energjitike/ “Rithemelimi” mbledh ekspertët, Berisha:

Komisioni i Rithemelimit ka mbledhur një tryezë ekspertësh për ët diskutuar mbi krizën energjitike, ku i pranishëm ishte edhe ish-kryeministri Sali Berisha.

Ky i fundit ka hedhur akuza ndaj qeverisë se është përgjegjëse për krizën, duke përjashtuar si shkak kryesor luftën në Ukrainë.

Teksa renditi disa faktorë se pse Shqipëria mund ta përballonte dhe menaxhonte në mënyrën e duhur krizën dhe sektorin e energjisë, Berisha deklaroi se digat u zbrazën në kundërshtim me ligjin.

Ai theksoi se Shqipëria shet energji më lirë se në bursë dhe blen më shtrenjtë se kuotat në tregun ndërkombëtar.

“Tani në hijen e luftës ka marrë përmasa edhe më të mëdha. Shqipëria është vendi i vetëm në Europë që ka 3-4 fishuar çmimin e energjisë për bizneset dhe premton të rrisë çmimin e energjisë edhe për konsumatorët.

Shqipëria është vendi i vetëm që takson naftën mbi 1 euro dhe ka një prej çmimeve më të larta në Europë. Shqipëria nuk është një ishull, është pjesë e kontinentit. Megjithëkëtë në rrafshin energjisë dhe prodhimit të saj, Shqipëria është vendi që duhet të ndjente më pak se çdo vend tjetër ndikimin mbi energjetikën e kontinentit të agresionit rus mbi Ukrainën., pasi energjia e saj në masën 96-98% është tërësisht ujore.

Jo vetëm ujore, por prodhohet me kosto më të ulët se në çdo vend tjetër të Europës. Së treti prodhimi i energjisë në Shqipëri gjatë vitit 2021, është më i larti në rekord historik.

Rreth 8.9 mld kë/orë, pra duke pasur parasysh këto faktorë dhe nëse analizojmë qëndrimin në menaxhimin e rezervës ujore të kaskadës konstaton lehtësisht se shkaku i krizës energjetike në Shqipëri, nuk është moti, as lufta por vjedhja në këto sipërmarrje.

Shqipëria zbraz digat në kundërshtim me ligj dhe shet energjinë me 42 euro kur ajo në bursë është 130 euro. Si ka ndodhur gjatë verës. Apo blen energji me 300 euro në një kohë kur atë ditë për furnizimin në bursë është 150 euro. Kemi të bëjmë me një rritje çmimesh të diktuara nga keqmenaxhimi dhe vjedhja”, tha Berisha.

 

Të fundit