Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Krizë e thellë ekonomike"/ Tabaku: Familjet shqiptare po shpenzojnë për mbijetesë

Politiko 15 Gusht 2025, 11:27

"Krizë e thellë ekonomike"/ Tabaku: Familjet shqiptare po

Deputetja e Partisë Demokratike, Jorida Tabaku, ka shprehur ditën e sotme shqetësimin për krizën e thellë ekonomike që po përballin sot familjet shqiptare.

Përmes një video-mesazhi në rrjetet sociale, Tabaku thotë se verës i janë shtuar ngjarje të rënda, nga tritoli në Theth, zaptimi i ambienteve të mediave, zjarret në disa zona të vendit, deri te zhgënjimi nga turizmi që nuk ka sjellë të ardhurat e pritshme për ekonominë.

“Shqetësimi kryesor që kanë familjet shqiptare është xhepi. Në 10 vitet e fundit, jeta është shtrenjtuar, çka do të thotë rritje e ndjeshme e çmimeve dhe ulje e kursimeve,” deklaroi Tabaku.

Sipas saj, buka dhe produktet e tjera ushqimore janë shtrenjtuar me 30%, ndërsa 25% e të gjitha të ardhurave që realizon një familje shkon vetëm për ushqim. “Çdo 1 në 2 lekë që hyn në shtëpi, shkon për ushqime. Praktikisht, sot familjet shqiptare nuk janë duke kursyer, por duke shpenzuar për mbijetesë,” u shpreh ajo.

Tabaku e lidh këtë situatë me monopole në treg, përqendrimin e ekonomisë në pak duar, rënien e prodhimit vendas, taksat e larta dhe një sistem që, siç thotë ajo, është i pandershëm dhe rëndon mbi 95% të qytetarëve.

“Shtrenjtimi i jetesës është pengesa më e madhe për familjet shqiptare që të kursejnë. Ky është sistemi padrejtë që duhet ndryshojmë,” përfundoi Tabaku.

Reagimi i plotë:

Të fundit