"Kryemadhi dhe Basha s’kanë bërë një shkollë në mandatin e tyre"; PD-LSI i përgjigjet Veliajt, nxjerrin listën e investimeve në vetëm dy vite

Zëdhënësja e Partisë Demokratike, Ina Zhupa i është përgjigjur akuzave të kryebashkiakut të Tiranës, Erion Veliaj, i cili tha se opozita nuk ka ndërtuar asnjë shkollë. Zhupa ka treguar investimet në arsim të Bashkisë Tiranë në vitet 2012-2014. Ajo shkruan në Facebook se qytetarët, prindërit dhe nxenesit e Tiranës e bëjnë dallimin fare qartë mes Lulzim Bashës dhe Veliajt.

Postimi i plotë:

Veliaj që do mbahet mend si betonizuesi i Tiranës dhe bashkëpunëtor i mafias se plehrave ka vazhduar dhe sot me lumin e mashtrimeve.

Me kot lodhet vemja bashkisë, faktet janë aty, qytetarët, prindërit dhe nxenesit e Tiranës e bëjnë dallimin fare qartë mes Lulzim Bashës dhe kryemashtruesit qe nuk mbajti asnjë premtim dhe sot për interesa të tij personale e ka kthyer ne ferr jeten e qytetarëve të Tiranës.

Faktet flasin vetë:

Investimet nga buxheti i Bashkisë Tiranë vetem për 2012 – 2014

Ndërtimi i 1 shkolle të mesme;

Rikonstruksioni i 2 shkollave të mesme;

Ndërtimi dy shkollva 9 – vjeçare.

Rikonstruksion dhe shtesë 5 shkolla 9 vjeçare;

Ndërtimi i 4 kopshteve;

Rikonstruksion dhe shtesë 8 kopshte;

Rikonstruksioni i 7 çerdheve;

Sistemim sheshi dhe terrene sportive 3 shkolla 9-vjeçare.

Vetem ne vitin 2005 u shtuan 44 impiante ngrohëse.

Kaldajat me naftë u zëvëndësuan me kaldaja me pelet duke i kursyer buxhetit të Bashkisë rreth 880 mijë euro.

Nëse nuk do të ishte bllokuar buxheti i Bashkise (2014) me urdher te Edi Rames dhe Erjon Veliajt ne fund te 2015 do të kishim sistem ngrohje 100% për kopshtet dhe çerdhet dhe 95% për shkollat.

Cili është bilanci i vemjes së bashkise sot? Vetëm kulla, kulla dhe kulla. Ndërkohë që bëhet gati të ndërtojë edhe më shumë kulla!

Edhe kryetarja e LRI-së, Floida Kërpaçi ka reaguar pas deklaratave të Veliajt.

Postimi i plotë:

Lavatriçja e pastrimit të parave të pista dhe kryemashtuesi kronik i Tiranës. Kujtohet për Kombinatin pasi shkon Monika Kryemadhi. Kujtohet për shkollën Sami Frashëri pasi ja përmend Monika Kryemadhi. Dje nuk kishte tabelë, sot ka nisur suflerët që ta vendosin një të tillë. Lëri batutat, por trego datën kur do të jetë gati Sami Frashëri sepse gjimnazistët po bëjnë mësim me 4 turne si në mesjetë.