Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Kryemadhi: Kandidati ynë ka përballë Subashin, ai që bën pazare për të mos dalë para drejtësisë

Politiko 8 Prill 2023, 19:22

Kryemadhi: Kandidati ynë ka përballë Subashin, ai që

Deputetja e Partisë së Lirisë, Monika Kryemadhi ka qenë sot e pranishme në prezantimin e kandidatit të koalicionit “Bashkë Fitojmë” në Fier, Evdar Kodheli.

Kryemadhi tha nga Fieri se përballë Kodhelit qëndron Armando Subashi i PS, i cili bën pazare për të mos u paraqitur përballë drejtësisë. Kryemadhi tha se Subashi bën sikur ka bërë investime të mëdha , por në fakt ka mjaft mangësi duke filluar nga rafineritë e naftës te bujqësia.

“Sot ne prezantojmë kandidatin e opozitës për qytetin e Fierit. Suksese kryetar! E di që është betejë e vështirë por me një ekip të mrekullueshëm, me demokratët e vërtetë të qytetit të Fierit unë jam e bindur që sfida juaj është e realizuar. Jo për ju po për Fierin dhe për fjerakët, për djemtë dhe vajzat e Fierit që sot janë larguar nga qyteti sepse nuk kanë punë, nuk kanë mundësi të zhvillojnë jetën e tyre, sepse sot në Fier ke vetëm pensionistë dhe të papunë, dhe djemtë dhe vajzat e qytetit të Fierit, bashkisë më të pasur të Shqipërisë, janë rrugëve të europës ku enden për të gjetur dhe ndërtuar një jetë më të mirë. 

Sot ne kemi përballë një kandidat për kryetar bashkie që pazar për të mos u paraqitur përballë drejtësisë, që është Armando Subashi, i cili bën sikur ka bërë investime të mëdhaja, por kemi rafineritë e naftës të mbyllura, kemi naftëtarët pa punë, kemi turizmin që nuk ekziston fare, kemi biznese të cilat mbyllen përditë, kemi një bujqësi e cila shkatërrohet çdo ditë e më shumë për shkak të mungesës jo vetëm të fuqisë punëtore por edhe të subvencioneve dhe unë jam e bindur që kandidati ynë Evdar Kodheli i cili është financier, ekonomist do të bëjë dhe do të paraqesië planin më të mirë për bashkinë e Fierit, për atë që fjerakët meritojnë”, tha Kryemadhi.

 

Të fundit