Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Kryemadhi në Elbasan: Prioriteti ynë është të ndalojmë shpopullimin e vendit

Politiko 28 Janar 2021, 10:04

Kryemadhi në Elbasan: Prioriteti ynë është të

Kryetarja e LSI-së Monika Kryemadhi, ka qenë mëngjesin e sotëm në qytetin e Elbasanit, nga ku ka zhvilluar takime me qytetarë në kuadër të fushatës elektorale të 25 prillit.

Kryemadhi theksoi sërish se një ndër prioritetet e LSI-së, është se fuqizimi ekonomik i gruas dhe "ti japim force jo për ta përdorur si fasadë apo numër".

Në fjalën e saj para qytetarëve, Kryemadhi është shprehur se Shqipëria ka nevojë për që të ketë vende të reja pune për të zhdukur shpopullimin e vendit.

“Një ndër prioritetet tona është fuqizimi ekonomik i gruas, që për ne ka një rëndësi shumë të madhe, sepse një grua e fortë ekonomikisht përveç e bën më të pavarur, përveç se e bën edhe të barabartë në shoqëri, i jep edhe forcë themelit të familjes, sepse për ne grua e tillë është, themeli i një familjeje dhe si e tillë është e domosdoshme në përgatitjen e brezave të rinj.

Ne kemi disa pika shumë të rëndësishme për fuqizimin ekomomik të gruas, jo vetëm në aspektin e biznesit, por edhe në vendimmarrje, në përfshirjen e tyre në politikë. Ne duam ti japim ti japim forcë gruas jo thjesht për fasadë apo për ta përdorur si numër, por për ti dhënë forcë vërtet asaj dhe në fakt LSI e ka treguar këtë gjë, duke pasur parasysh se edhe mua si grua, më kanë votuar si kryetare partie, ma kanë dhënë shansin që unë të vazhdoj dhe të mbështes të gjitha gratë dhe vajzat e tjera për tu dhënë atyre më shumë mundësi.

Në Shqipëria mungesa e hapësirave për të krijuar politika të reja ka qenë e theksuar, pasi gjithmonë partitë politike janë përpjekur të kenë programe politike demagogjike, thjesht në kuadrin e votimeve, por asnjëherë nuk janë ulur të ofrojë diçka që është e drejtpërdrejtë dhe përfituese për njerëzit.

Ajo që dua të theksoj dhe që është shumë e rëndësishme është programi ynë ‘Nga bebja në bebe’, ajo që themi ne ngurtësimi i fondit për bebet, që do të kenë mundësi që ata vetë ta tërheqin pas 25 viteve, ose pas 30 viteve kur ata të bëhen me fëmijë, nuk është depozitë bankare.

Mentaliteti në Shqipëri është që ne kemi taksidarët që të vijnë me kamxhik dhe të marrin taksat, dhe interesa bankare që njerëzit marrin kredi. Ndërkohë që bota po shkon drejt një tjetër zhvillimit dhe nuk ke se si të kuptosh se çdo të thonë fondet e zhvillimit, ose trust-fund, investimet në bursë, sepse Shqipëria nuk ekziston as në bursë. Dhe tashmë do të ekzistojë në bursë ‘Nga bebja në bebe’ që është për të ardhmen e fëmijëve shqiptarë, në mënyrë të tillë që fëmijët tanë të mos ikin nga Shqipëria.

Sepse prioriteti ynë është të ndalojmë shpopullimin e vendit, sepse një nga arsyet pse të rinjtë ikin nga vendi është se ata nuk kanë më asnjë garanci për veten e tyre apo për familjen e tyre”, ka thënë Kryemadhi