Kulla: Vizioni i kandidati të koalicionit "Bashkë Fitojmë" Ardit Cikulit, shpresë për Sarandën

Fokusi kryesor i zgjedhjeve vendore të 14 majit janë përqëndruar me të drejt tek trekëndëshi Tiranë – Durrës – Elbasan, shprehet studiuesi Ndriçim Kulla.

Kulla shprehet se kandodatët e primareve po sjellin një risi të re të vërtetë, teksa ka veçuar kandidatin e Sarandës, Ardit Cikuli.

Kulla shkruan se jo rastësisht Cikuli shpalli kandidaturën për të konkuruar për kryetar bashkie në primare dhe fitoi bindshëm.

Studiuesi shprehet se është shumë  inkurajuese për të ardhmen e vendit  që shumë djem dhe vajza të rinj që janë arsimuar në perëndim mbas një karriere mbresëlënëse në profesionet e tyre u ofruan vet për të marr përgjegjësi publike në shërbim të komunitetit.

Posti i Ndriçim Kulla

Ndërsa fushata  për zgjedhjet vendore te 14 majit ka shënuar fillimin e saj të zgjarrtë dhe fokusi kryesor është përqëndruar me të drejt tek trekëndëshi Tiranë – Durrës – Elbasan, po shpërthen dhe një fenomen i ri, ku kandidatët e primareve po e faktorizojnë vet  veten e tyre dhe bashkitë e tyre mesatare ose të vojëla me përkushtimin,vizionin ,energjinë dhe freskinë që po çfaqin.

Me të vërte po duket se disa prej tyre po sjellin të renë e vërtetë . Njëri prej tyre ëshë Ardit Cikuli kandidati i primareve në bashkinë e Sarandës.

Nuk e njohë personalisht nga afër, megjithse orgjinën e familjes e ka pikërisht nga një zonë që përfshin edhe fshatin tim të lindjes,e cila i përket me të gjitha cilësitë labëris së Vlorës dhe Gjirokastrës.

Integrimi i familjeve të ardhura nga krahinat përreth saj apo nga trevatë tjera të vëndit e ka bërë Sarandën një mozaik kulturor ,veçanti e dukshme kjo, që ia shton vlerat   turizmit.Për Arditin me çfarë kam dëgjuar më së shumti   flasin mirë  ,përveçse ndonjë ciniku apo qejfëmbeturi   në përballje dhe që natyrisht, që  kjo kur nuk tejkalohet është normale në jetën njerëzore.

Mbas një karriere të shkurtër profesionale në shërbimin bankar , si drejtues, ai e ndjeu se shërbimi në interes publik do ishte detyra më  e duhur, që mund të bënte në jetë .Puna dhe formimi  i tij professional ështe një rast unikal  për ta bërë kryebashkiakun i një qyteti   që duket të ketë  një administrim të mirë.

Atë nuk e përzodhi ndonjë një grup interesi apo diçka tjetër për ta nxjerrë në krye të bashkisë Sarandë në shërbim të realizimit të interesave të tyre.Përkundrazi kjo nxitje buroi nga idetë dhe mentaliteti i tij i ri për të korigjuar  shumë punë të bëra keq në qytetin  i bukur ku ai jeton edhe vet dhe  sigurisht, që fenomeni demokratik i primareve ia dha këtë shans, ndryshe nga rivali i tij  që konkuron për partinë socialiste ku  një klan  duket se e nxori nga xhepi.

Jo rastësisht ai shpalli kandidaturën për të konkuruar për kryetar bashkie në primare dhe fitoi bindëshm.

Eshtë shumë inkurajuese për të ardhmen e vëndit  që shumë djem dhe vajza të rinj që janë arsimuar në perëndim mbas një karriere mbresëlënëse në profesionet e tyre u ofruan vet për të marrur përgjegjësi publike në shërbim të komunitetit.

Këta janë antiteza e atyre që cdo gjë ka shkuar keq në pushtetitin lokal ,që nga përzgjedhja pa kritere dhe deri tek korrupsioni dhe keq administrimi.

Vjet në fillim të sezionit turistik bëra një  udhëtim në Sarandë  me dëshirën për tu takuar me vëllain tim, por edhe   për të shijuar sadopak  rrugën e re Kardhiq –Delvinë për të cilën vetëm sa kisha ëndrra në kohën e rinisë time.Pëlhura e Penelopës që mu duk se kishtë veshur  si lajmëtare Mirela Kumbaro, ministria e turizmit më dha shpresë, se do përshkruaja një rrugë të bukur, ndonse është ndërtuar me një kosto të kripur.  Por kur pashë dredhat e përdredhat  e rrezikshme dhe   tunelin e ndërtuar pa vënd në kësul të Qafës së Skërficës,  seç më solli ndërmënd diçka të hidhur pëlhura e   Penelopës së Kumbaros ,së bashku me grupin e nderuar të lebërve të mi, që u keqpërdorën  për të kënduar për këtë rrugë të ndërtuar pa cilësi,ndërsa   udhëtimi  mu kthye në një emocion të kundërt.

Arditi për fat është një figurë përbashkuesenë në Sarandë që ndjehet mirë me të gjithë ; me bregasit,lebërit,çemërit grekërit etnik që banojnë në Sarandë, por edhe me  të tjerë.

E kam ndjekur me vëmëndje vizionin e tij për Sarandën edhe për shkak të raportit që unë kam me këtë qytet të dashur  dhe  më është dukur shpresdhënës.

Saranda është një zonë turistike e rangut të parë , ku sarandiotet turizmin e kanë ekonominë kryesore për të jetuar.Ai ka modelin më krijues  më  të ballafaquar  me modelet e tjera të korigjuara që i përshtaten karakteristkave natyrore të këtij qyteti.Modeli i turizmit të ndonjë destinacioni ishullor turistik në Greqi  plot zhurmë ,drogë  ,tallava dhe anarki  ku nuk ishe i lire të futje këmbët as në buzën e ujit të detit, që pushtoi Sarandën për 10 vjet me radhë, duhet zvëndësuar domosdoshmërisht me një turizëm të qetë ,elitar, rregullsi dhe qetësi, siç janë dhe  vet këta njerëz dhe kjo natyrë e bukur

  Unë kam lindur dhe jam rritur në rrethin e Sarandës para se të merrja rrugën e kurbetit brënda vëndit tim dhe ti nënshtohesha fatit tim për tu future 400 m nën tok  në skëterrën e minirës së Valiasit, ndonse duhej të kisha qënë në universitet.

Drita  , dielli , mrekullia e gjireve të detit të  saj,bukuria dhe ashpërsia bashkë, ndjej se i kanë injektuar   diçka të fortë  vullnetin e shpirtit tim  të krijimit .

Në fillimin e proceseve trasformuese të Shqipërisë mbas vendosjes së pluralizmit,   kisha shpresë  , madje e quaja të natyrshme , si shumë të tjerë, se Saranda qyteti i dashur i të gjithë jugorëve do vazhdonte  zgjatimin dhe rritjen e saj brënda bukurisë që e kishte krijuar në mënyrë  të magjishme nëna natyrë.

Por sot, kaosi dhe barbaria e ndërtimeve,që është e pa mundur që të tjetërsohet më, por së paku të frenohet dhe të ndërtohet infrastruktura e duhur rrugore. Të gjëndet masa e nevojshme për tiu përshtatur gjëndjes së krijuar dhe njerëzve tiu krijohen kushtet normale me ujë të pijshëm,pastërti,gjelbërim dhe lëvizje.

 Të shkruash për një zonë të caktuar të Shqipërisë siç është Saranda, për shumë njerëz të saj  ndoshta është një orvajtje e vështirë. Kjo mund të bëhet më e vështirë ,ose e pa mundur sidomos për ata që për shkak të lidhjeve dhe përgjegjësisë që kanë patur këto 12 vite me radhë nuk kanë bërë asgjë, ose së paku më shumë se cfarë duhej të bënin, kur mundësitë u janë dhënë me me okë siç thotë edhe populli . Apo pse gjatë kohës kur duhet ti shërbenin dhe ta ndihmonin këtë zonë nuk bënë aq sa mundeshin dhe as sa premtuan. Prandaj ata sot normalisht duhet ta kenë të vështirë të dalin e ti shohin në sy banoret për tu premtuar dicka. Asnjëra nga këto situata, nuk mund ti përshtatet rastit të kandidatit për kryebashkiak të opozitës  sot në Sarandë në këto zgjedhje , i cili është i privilegjuar dhe krenar, që po i përgjigjet thirrjes së tij të brendshme të përgjegjësisë dhe respektit, për ti shërbyer ndryshimit të shumëpritur që mirëpret cdo banor i saj i mbërthyer tashmë prej kohësh nga një gjendje e rëndë dhe e vështirë.

- Po shëtitorja është e bukur! Po gjithë ato investime që ka thithur Saranda gjithë këto vite, do të mund të më kundërpërgjigjej menjëherë dikush. Është këndshëm të shëtisësh nëpër shëtitoren e dikurshme të zgjeruar të Sartandës. Dhe vërtet ,shëtitorja është e bukur. Por është një. Problemi qëndron gjetkë.Saranda përveç “zgjimit” të bukurisë që është e natyrshme, sepse është nga gjiret më të bukra të Jonit   ka nevoj, që përveç fotografisë” së” fiksuar” rilindase ka nevoj edhe për investime reale që zgjerojnë punësimin,rritin sigurinë,luftojnë drogën dhe kriminalitetin,rritin vëmëndjen për kujdesin social et, et ..Të gjitha këto investime bëhen me taksat dhe detyrimet që paguajmë qytetarët shqiptarë

Elasticiteti i taksave dhe paketa e inçentivave ekonomikë është një udhë e madhe ku mund të lindin e të konkretëzohen projekte të shumëllojshme për të rritur pikërisht ekonominë shtëpijake të këtyre banorëve. Është një rrugë e pa shkelur deri më sot ndaj hap perspektiva të qarta zhvillimi. Së fundi, një tjetër mundësi ndryshimi mund të hapet duke e përshtatur këtë paketë taksash dhe mbështetjesh me burimet specifike të zonës.

Eshtë edhe kjo vëmendje e proporcionuar, me sy zhvillimi të llojit të big picture ajo që mund të përbëjë një tjetër burim të rëndësishëm ndryshimi për gjithë këtë zonë. Por ajo që është kryesorja, ajo që dhemb e që do patjetër një rregullim urgjent, është ajo cfarë duhet bërë për tiu përgjigjur pyetjes së shumicës së qytetarëve: Të gjitha këto investime, si munden vallë të ndikojnë në ekonominë tonë shtëpijake? Ky është problemi i madh që nuk ka e zgjidhur kjo bashki deri tashti. Shumica e familjeve ende lëngojnë nga pasojat e varfërisë së përhershme, shumica e cifteve të reja skanë mundësi shkollimi dhe banimi dhe ikin, shumica e bizneseve, të cdo lloji qofshin, te mesëm apo të vetë-punësuar nuk ndjejnë asnjë lloj ndihme dhe mbështetje. Rilindja e ekonomisë shtëpiake nëpërmjet shumë propozimeve dhe paketave stimuluese për taksën e sheshtë dhe uljen e shumë llojeve të tjera të taksave që jep programi ekonomik i Partisë Demokratike, është pikënisja e atij ndryshimi të madh që pret kjo zonë, pasi të gjitha këto iniciativa mund të madhohen dhe zhvillohen bazuar në potencialet e mëdha që kanë  Saranda  dhe fshatra e bukura të bregut nga veriu dhe jugu i saj që i rrinë si kuror.Arditi është i ri dhe po lufton që ta fitoj këtë betej, por ai duhet të ketë pa tjetër edhe besimin dhe mirëkuptimin e të gjithëve për ta realizuar këtë sfidë. Si intelektual i bëj thirrje dashamirëse Skënder Muços me aq sa e njohë të mos mbështes misionin e vrasësve me pages   Alibeaj me shokë , por  dhe dikujt tjetër që mund të jetë ndjerë  qejfmbetur diku në ndonjë rast , që të mbështesin Arditin ta fitoj mandatin dhe ti hapet rruga projektit të tij të ndryshimit të Sarandës.

Saranda   ka  nevojë për një Rilindje të madhe dhe  të vërtetë,dhe  jo një anarki të gënjeshtërt si deri tani.