Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Boçi: Priten mbi 30 mijë protestues në shesh më 7 korrik

Politiko 30 Qershor 2022, 22:03

Boçi: Priten mbi 30 mijë protestues në shesh më 7 korrik

Deputeti demokrat Luçiano Boçi tregoi se kush vendosi që protesta e thirrur nga PD dhe Shoqëria Civile të mbahej në 7 korrik dhe jo në një datë tjetër.

I ftuar në studion e “Të Paekspozuarit”, Boçi tha se ishte vendimi i Kryesisë së PD-së për të protestuar më 7 korrik duke parë edhe zhvillimet e fundit në arenën politike. Boçi shtoi se protesta do të konfigurojë edhe opozitën në aksion, e cila prej vitesh ndodhej në gjumë letargjik.

"Ulëritëse është kur njeriu del dhe proteston. Është e kërkuar nga shoqëria. Shoqëria civile me atë natyrë ekzistuese që ka, ka tentuar. Është vendimarrje kolegjiale e kryesisë së PD në raport me zhvillime politike që kanë ndodhur dhe temperaturat politike. Situata është e jashtëzakonshme.

Rëndësia e saj, ka të bëjë me konfigurimin e një opozite në aksion, pas kaq vitesh në letargji. Të presësh kohën kur shfaqet, duket si zbukurim para pasqyrës. Pengesa të tilla janë të karakterit teknik, por te një forcë politike prevalojnë elementë të tjerë.

Shqetësimi shihet si numër daljesh në protestë dhe jo simbolika. I dimë edhe pengesat që ekzistojnë, por nuk mund të fokusohet çdo përgatitje, se dikush kërkon të vendosë një dron në fillim të protestës për të bërë propagandë dhe për ta futur në kurthin e numrave", tha Boçi.

Boçi tha se pritet të jenë më shumë se 30 mijë të pranishëm në protestë.

"Pjesëmarrja do të jetë masive, qytetarët nuk kanë arsye që të mos vijnë. Masive e konsideroj me mijëra njerëz në shesh, quhet sukses edhe nëse janë mbi 10 mijë, mbi 20 mijë, mbi 30 mijë protestues", u shpreh Boçi. 

Të fundit