Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Kushtetuesja iu drejtua Vencias për "30 qershorin", Alibeaj: Vendimi duhej dhënë një orë e më parë, ka patur presion nga PS

Politiko 25 Qershor 2021, 10:30

Kushtetuesja iu drejtua Vencias për "30 qershorin", Alibeaj:

Gjykata Kushtetuese vendosi t'i kërkojë një opinion Komisionit të Venecias që do ta ndihmojë për të marrë një vendim mbi zgjedhjet lokale të 30 Qershorit.

Enkelejd Alibeaj, deputet i PD-së i dalë nga zgjedhjet e 25 prilit, e sheh këtë veprim të Kushtetueses si një shtyrje tjetër, pasi sipas tij vendimi për ato zgjedhje duhej dhënë një orë e më parë nga kjo gjykatë. Ai thekson se ka pasur një lloj presioni nga pushteti dhe media për të vendosur në presion Gjykatën Kushtetuese pse e çoi vendimin në Venecia, kur ai e sheh atë si shpëtimtarin politik.

“Interesi ynë ka qenë më i madh. Vendim i vonuar për një palë zgjedhje që janë bërë 2 vjet më parë, nuk jam i lumtur që po përdoret një shtyrje tjetër. Publiku kërkonte një orë e më parë vendimin nga Gjykata Kushtetuese. Një gjë që kam konstatuar dje kam parë një lloj agjitimi të mediave. Siç duket nuk e duan Venecian që të shprehen, duhet të kemi parasysh një gjë që raporti i Komisioni i Venecias ka folur për presidentin e Republikës. Çështja e pavlefshmërisë së zgjedhjeve. Një nga pretendimet e Ademit ishte dekreti, është vetëm njëri ka edhe shumë pretendime që ato zgjedhje nuk i përmbushën standardet. Ajo që është e rëndësishme është që një lëvizje dhe agjitim i pushtetit për të vendosur në presion Gjykatën Kushtetuese, pozicionimi i pushtetit dhe e pasuar nga ky sulm mediatik që i bëhet gjykatës që pse e çoi në Venecia ku ne kemi parë si shpëtimtar politik. Ne do të duhet të presim, se çfarë opinioni do të duhet të mbahet. Unë do të dëshiroja që vendimi të jepej se ne jemi pjesa më e dëmtuar ato nuk ishin zgjedhje por votime” tha Alibeaj në A2

I pyetur në lidhje me ngritjen e komisionit Ad Hoc për përzgjedhjen e kandidatëve për anëtarë zëvendësues për komisioner të Komisionit të Pavarur të Kualifikimit dhe Komisioner Publik, Alibeaj shprehet se mazhoranca po u bën karshillëk piskamave të ndërkombëtarëve për të futur njerëzit e tyre në veting.

Sipas tij drejtësia nuk ka kënaqur pritshmëritë e publikut dhe sot jemi me një sistem vetingu që nuk i përgjigjet më ligjit dhe kushtetutës, pasi nuk ka më vendime të standardizuara.

“Ka një nxitim nga mazhoranca që të zëvendësojë anëtarët e vetingut duke përfituar nga ky parlament monist. Është ogur i zi për të ardhmen, mazhoranca nuk po dëgjon asgjë nga piskamat e ndërkombëtarëve dhe këta si karshillëk kryeneç bëjnë po të njëjtin akt, krijojnë komision nga parlamenti pa legjitimitet për të çuar në garën e vetingut njerëzit e tyre. Këta nuk presin shtatorin kur do të jenë forcat reale parlamentare, por nxitojnë ta bëjnë me këtë parlament.

Drejtësia nuk ka arritur të kënaqë pritshmëritë e publikut prandaj një orë e më parë kushdo që ka mundësi forcë dhe kurajo duhet të kthejë sistemin e drejtësisë në binarë. Kjo histori për mua ka filluar që në shtator 2016 ishin ligjet që duheshin miratuar me konsensus, që në atë moment për këdo që kupton e kupton se tendenca e mazhorancës për ta miratuar në mënyrë të njëanshme do të çonte në këtë përfundim kështu që besoj se nuk ndodh brenda natës kanë ecur me idenë që këto ngërçe të vogla mund të ishin kaluar, por paska pasur një plan të qartë për të kapur sistemin e drejtësisë. Dhe sot jemi me një sistem vetingu që nuk i përgjigjet më ligjit dhe kushtetutës, nuk ka më vendime të standardizuara" tha Alibeaj.