Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Kuvendi i 11 Dhjetorit, Ristani: Pakica t’i bashkohet shumicës, më 18 s’ka Kuvend

Politiko 1 Dhjetor 2021, 11:16

Kuvendi i 11 Dhjetorit, Ristani: Pakica t’i bashkohet shumicës,

Në foto/ Arben Ristani

Dhjetori e gjen Partinë Demokratike të ndarë në dy Kuvende, njëri më 11 Dhjetor i thirrur nga ish-kryeministri Sali Berisha dhe demokratët që e mbështesin, tjetri më 18 Dhjetor i thirrur nga kryedemokrati Lulzim Basha dhe Kryesia e partisë.

Në një prononcim për mediet, ish-deputeti demokrat Arben Ristani u shpreh i sigurt se Kuvendi i thirrur më datën 11 Dhjetor, do të thirret. Ristani sqaroi se firmat e mbi 4.200 delegatëve që kanë votuar thirrjen e Kuvendit më 11 Dhjetor, janë vendosur me vullnet të plotë, përpos konstatimeve nga ana e Kryesisë së PD-së rë cilët kanë lënë vend për dyshime.

“Tashmë është e sigurt që në datën 11, kuvendi i PD, i thirrur nga mbi 1/4 e anëtarëve do të mblidhet për të ndryshuar statutin e PD, për të shqyrtuar veprimtarinë anti statutore të kryetarit të PD dhe për të rifutur në statutin e PD dispozita të cilat do të bëjnë të mundur mbajtjen e referendumeve në PD. Janë dorëzuar para disa kohësh siç jeni në dijeni, mbi 4200 firma të anëtarëve të kuvendit të PD, firmat janë në masë të mbledhura nga anëtarët e kuvendit, sigurisht me vullnetin e plotë të tyre. Nga ana tjetër keni deklarime të përditshme të anëtarëve të kuvendit nga degë të ndryshme të PD, shembuj të deputetëve të cilët kanë shkuar për t’i verifikuar këto firma kështu që është jashtë çdo dyshimi që firmat janë me vullnet të plotë. PD vepron në kushte të sovranitetit të saj, është vullneti i anëtarëve jo vetëm të kuvendit por të të gjithë PD”, tha Ristani.

Nga ana tjetër, Ristani tha se nuk mund të ketë një Kuvend më 18 Dhjeto dhe ftoi anëtarët e Kryesisë së PD-së bashkë me kreun e partisë t’i bashkohen Kuvendit të shumicës. Sipas Ristanit, problematika nuk është midis Berishës dhe Bashës, por mes anëtarëve të PD-së dhe kryetarit që shkel stautin.

“Nuk do të ketë në 18 një kuvend, të paktën jo një kuvend shumice. Do të ishte në nder dhe të pakicës të vinte në kuvendin e shumicës, të kishte mundësinë të verifikonte mbledhjen e shumicës dhe në këtë mënyrë të shkonim të gjithë drejt një procesi të rregullt e të pranuar nga të gjithë. Është në detyrën e pakicës të vijnë sepse organet drejtuese të PD edhe për aq sa në gjithë procesin e parregullt në të cilën janë zgjedhur sekretariatet, por përsëri e kanë për detyrë të vijnë. Që në fillim të kësaj lëvizje kurrë nuk e kemi patur një problematikë midis Berishës dhe Bashës. Është një problematikë dhe një konflikt midis anëtarëve të PD dhe kryetarit i cili shkel statutin në mënyrë të vazhdueshme”, u shpreh Ristani.