Flash News

As PS, as PD/ Në Vaun e Dejës forcë e parë shpallet partia e Tom Doshit

Xhabaftët në Vorë dhe streha e patronazhistëve, Zannier: Duhet veprim për mosreagimin e policisë

Raporti i OSBE/ Kreu i delegacionit të vëzhgimit: Presione e shit-blerje vote, duhet rritur transparenca

Ndërron jetë turistja austriake, që u plagos në aksidentin në aksin Himarë-Borsh

OSBE raporton gjetjet e 11 Majit: PS përfitoi nga burimet administrative, falja e gjobave krijoi pasiguri në kuadrin zgjedhor

Ditari i Opozitës

LaCivita ndan shkrimin e ‘Politico’: Pse mediat e afërta me qeverinë nuk publikuan exit-pollet

Politiko 12 Maj 2025, 13:18

LaCivita ndan shkrimin e ‘Politico’: Pse mediat e afërta me

Chris LaCivita, këshilltari amerikan i fushatës së opozitës shqiptare, ka ndarë një artikull të publikuar në median prestigjioze ndërkombëtare Politico, ku ngrihen shqetësime për mungesën e transparencës pas mbylljes së kutive të votimit në Shqipëri. Artikulli vëren se, ndryshe nga praktika e zakonshme zgjedhore, mediat shqiptare nuk publikuan asnjë exit-poll pas përfundimit të votimit.

Sipas Politico, vendimi për të mos publikuar exit-pollet e parashikuara, ka krijuar konfuzion te qytetarët dhe vëzhguesit ndërkombëtarë, duke lënë të paqartë nëse Partia Socialiste ka arritur të sigurojë mandatin e katërt apo nëse opozita ka shënuar përparim të rëndësishëm.

“Disa orë pas mbylljes së kutive të votimit, ende nuk është e qartë se kush është fituesi,” thuhet në artikull, ndërsa analisti politik Lutfi Dervishi thekson për Politico se nuk ka një përgjigje të qartë pse mediat nuk publikuan sondazhet. Ai shprehet se ka gjasa që partitë politike të kenë ushtruar presion mbi mediat për të shmangur ndikimin në komisionerët e numërimit të votave.

Sipas artikullit, i vetmi sondazh pas votimit u publikua nga Klan Kosova dhe faqja në anglisht Albanian Post, të cilat treguan një avantazh të ndjeshëm të Partisë Socialiste me 51%, përkundër 38% të Partisë Demokratike.

Mediat kryesore shqiptare, përfshirë Top Channel dhe Ora News, nuk ofruan asnjë sqarim për mungesën e exit-polleve, ndërsa sipas Politico, gazetarët vendas dhe të huaj u përpoqën të kontaktonin me këto media gjatë natës, por pa marrë përgjigje. Artikulli përshkruan situatën si një “omertà mediatike”, duke sugjeruar një marrëveshje të heshtur për të mos publikuar sondazhe derisa të flasë Komisioni Qendror i Zgjedhjeve.

Të fundit