Flash News

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

Ditari i Opozitës

LaCivita, strategu i fushatës së PD, Lela: Ka veshin e njeriut më të fuqishëm të botës

Politiko 11 Shkurt 2025, 17:51

LaCivita, strategu i fushatës së PD, Lela: Ka veshin e njeriut më

Drejtori i Komunikimit me Median në Partinë Demokratike, Alfred Lela komentoi ardhjen e Chris LaCivita, një prej strategëve të fushatës së presidentit amerikan Donald Trump në Tiranë si drejtues të fushatës së PD për zgjedhjet e ardhshme parlamentare. Duke folur në Syri tv, Lela tha se ai nuk është vetëm një strateg i fushatave, por është një ndër dy personat që presidenti Trump ftoi në skenën e fjalimit të fitores.

Sipas tij në këto dy ditë ai është kritikuar se ka ardhur tek Berisha por që, ‘është hala në sy e atyre që i bën të hidhen përpjetë, i bën t’i bien tavolinës me grusht dhe të thonë atë që thanë dhe të gjithë e panë’.

Lela: Është shumë, shumë, shumë e rëndësishme ardhja e zotit Lacivita, jo vetëm se është strateg i fushatave por edhe se është njeri i Trump. Dhe jo vetëm se është njeri i Trump, por një ndër dy njerëzit që Donald Trump ftoi në skenën e fjalimit të parë të fitores menjëherë sapo u ngjit të skenë. Zotëria ka veshin e njeriut më të fuqishëm të botës dhe ky është një mesazh ndër shumë mesazhe që u dhanë. Duhet mbajtur parasysh kur përballemi, kur mendojmë për impaktin, ndikimin që ka zoti Lacivita në fushatëbërje por edhe në të gjithë peizazhin e gjerë politik shqiptar duke filluar prej dje, dhe deri më 11 maj.

Bëra një batutë dje me miqtë dhe u thashë që kjo ishte e para konferencë me amerikanët që bën PD. Këtu sigurisht ka një lloj hiperbole nga ana ime, por ka dhe një të vërtetë. Çfarë më bëri përshtypje tek stili i drejtëpërdrejtë.

Komunikimi i PD, fushata në përgjithësi, ka nevojë të jetë e drejtëpërdrejtë. Ka nevojë për këtë shpejtësi, ritëm, që nuk janë strategjia vetë por e bëjnë strategjinë të efektshme. Dhe unë jam i gëzuar që një amerikan me fitore të madhe, është ajo çka i duhet Partisë Demokratike.

Sulmi ndaj menaxherit të PD, por është sulm kundër njeriut të Trump dhe është sulm kundër edhe vetë Trump. Unë kështu do të doja ta përkufizoja këtë dëshirë. Lacivita kritikohet se ka ardhur tek Berisha, pra është hala në sy të tyre që i bën të hidhen përpjetë, i bën t’i bien tavolinës me grusht dhe të thonë atë që thanë dhe të gjithë e panë. Por mbetet dhe ajo më thelbësorja. Janë duke e kruar kushdo që ka vullnetin dhe dëshirën e kruarjes me njeriun e Trump, për të mos thënë me vetë presidentin. Është një kundërstrategji e cila ndoshta mund të funksionojë për një publik që është i shkëputur nga rëndësia e një zhvillimi siç është ky. Por ka rëndësi për ata të cilët i drejtohet dhe i godet kjo kundërstrategji.