Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“Larg tallavasë”, Kaso: Nesër stadiumi do ketë dyndje njerëzish

Politiko 14 Prill 2023, 21:41

“Larg tallavasë”, Kaso: Nesër stadiumi do ketë dyndje

Sekretari për çështjet zgjedhore dhe ligjore në PD, Ivi Kaso ka dhënë detaje çeljen e fushatës së koalicionit ‘Bashkë Fitojmë’ nesër në “Air Albania”.

Duke folur përmes një lidhjeje Skype për Klan Neës, Kaso thekson se thirrjes për t’iu bashkuar këtij eventi të rëndësishëm për PD-në dhe koalicionin opozitar, qytetarët i janë përgjigjur me shumë entuziazëm. Ai shtoi se pritet që stadiumi të mbushet përtej kapaciteteve të tij mbajtëse.

“PD ka fatet e veta në dorë dhe merr vendime të rëndësishme për veten e saj, prandaj ishte parashikuar që mbajtja e eventit që do të përuronte, niste fushatën PD por edhe koalicioni “Bashkë Fitojmë” dhe ishte përcaktuar dita e Shtunë në “Air Albania” për të pasur një fleksibilitet të madh lidhur me pjesëmarrësit të cilët pritet që të jenë të shumtë dhe stadiumi të jetë i mbushur ndoshta dhe tej kapacitetit të vet mbajtës. Si dhe kushtet atmosferikë të cilat diktojnë një event të tillë të mbajtur në një ambient të hapur e bënin të përshtatshme ditën e hapjes.

Fushata elektorale zyrtarisht ka filluar sa i takon dhe afateve të përcaktuara nga ligji zgjedhor. Është parashikuar pjesëmarrja masive dhe sa kam qenë në kontakt në terren ka një entuziazëm të jashtëzakonshëm në degë, me simpatizantë të PD, qytetarë që janë njoftuar që t’i bashkohen çeljes tonë.

Kapaciteti i stadiumit është rreth 20 mijë pjesëmarrës të cilët kemi qenë të gjithe dëshmitarë që në eventin e fundit publik numri i pjesëmarrësve e ka tejkaluar shumë herë këtë numër. Do ketë vështirësitë e saj akomodimi. Sapo janë shpërndarë ftesat dhe elementët që i ftojnë demokratët në event. Ky entuziazëm me të cilën është pritur thirrja na bën shpresëplotë, që stadiumi jo vetëm do të jetë i mbushur, por do ketë dyndje njerëzish. Do të flasin eksponentë të Partisë Demokratike dhe të Partisë së Lirisë, do prezantohen kandidatët.”, tha ai.

Ndërsa sa i takon këngës me të cilën PS ka prezantuar fushatën, Kaso e cilësoi “tallava” dhe që lë një shije të keqe te njerëzit. E për këngën që do ketë “Bashkë Fitojmë” ai nuk dha detaje, duke e lënë suprizë për të Shtunën.

“Do të ketë surpriza edhe në këtë drejtim, por një gjë është e sigurt që PD dhe forcat e tjera që përbëjnë koalicionin do qëndrojnë larg çdo shije të keqe dhe tallavave që mazhoranca përpiqet të na zhysë.

Ka pasur një aksion masiv nga qytetarët vetëm për shijen e keqe, sa na përket ne si forcë politike është shumë irrelevante kënga e tyre dhe çdo element tjetër i fushatës së tyre. Nuk i zbulojmë para kohe surprizat që kemi për nesër, është bërë kujdes për një balancë të elementëve politikë”, tha Kaso.