Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“Le të vijë në parlament”, Dash Shehi: Berishën politikisht e gjykon koha, po bëjmë lojën e Ramës

Politiko 7 Shtator 2021, 21:49

“Le të vijë në parlament”, Dash Shehi: Berishën

Kreu i LZHK, Dashamir Shehi deklaron se çështjen për shpalljen e ish-kryeministrit Sali Berisha ‘non grata’ në SHBA politikisht e gjykon koha.

I ftuar në Syri.net, Shehi thotë se Berisha duhet të vijë në parlament Berisha, pasi ka të drejtën e vet, ndërsa shton se me këtë debat po bëhet loja e Ramës.

“Unë gjykoj që kjo është një histori që duhet trajtuar thjeshtësisht, pa ekzagjerime dhe politizime.

Nëse ka elemente korrupsioni, le të merren ata që merren me korrupsionin. Sepse gjithkush do të mbajë hallin e vet.

Përsa i përket temës politike, Berishën politikisht e gjykon koha. Duhet gjykuar me gjakftohtësi. Gjykimin politik e bëjnë zgjedhjet. Kjo është mënyra për ta diskutuar këtë çështje,” tha Shehi.

“I kemi bërë qejfin Edi Ramës me këtë zhurmë, pasi peshon mbi opozitën. Edhe Berishës i është bërë një elozh i madh sepse u rikthye dhe u bë qendra e politikës.

Unë them që ta gjykojmë me gjakftohtësi dhe ta rikthejmë në normalitet. Le të vijë në parlament Berisha, pasi ka të drejtën e vet.

Berishën nuk po e akuzojnë se ka drejtuar keq politikën shqiptare. Por politikisht të gjykon koha. Prandaj po ngremë një zhurmë të kotë dhe po bëjmë lojën e Edi Ramës,” theksoi Shehi.

Të fundit