Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Lela: Basha ka ‘flirt’ me Ramën, mbajti koncert për t’u larguar nga kompleksi i “tokës së xanun”

Politiko 3 Qershor 2024, 10:41

Lela: Basha ka ‘flirt’ me Ramën, mbajti koncert për

Alfred Lela, drejtori i komunikimit në PD, komentoi kuvendin e mbledhur ditën e djeshme nga Lulzim Basha. I ftuar në Kafe Shqeto në Syri TV, Lela e ka quajtur kuvendin e Bashës një koncert që u duk sikur po garonte me Sali Berishën.

Sa i përket mënyrës se si Basha mbajti fjalimin, Lela tha se dukej ‘që dikush e ka zënë tokën e dikujt dhe kujton se me fjalë e ysht e largon kompleksin e ‘tokës së xanun’’.

“Kam dy qëmtime të shpejta. I pari është që Lulzim Basha për 4-5 palë zgjedhje ka konkurruar në një formë apo në një tjetër me Edi Ramën shefin e PS, u dukë sikur në kuvendin e së shtunës po garonte me Sali Berishën.

Oferta e taksës 9% duket se është një zbritje një okazion i taksës së Berishës me 10%, nxënës i së cilës ka qënë dhe vetë zoti Basha se ka qënë pjesë e qeverisë.

Dukej dhe forma dhe verbi për t’u kthyer te ajo ‘toka e xanun’ që përmendi ironikisht Mateo, dikush që e ka zënë tokën e dikujt dhe kujton se me fjalë e ysht e largon kompleksin e ‘tokës së xanun’ dhe me fjalë të mëdha ndërton shfajësimin e vetes të qeniet e vetes në një tokë që nuk i përket nuk është e tija.

Koncerti në Pallatin e Sportit ishte më shumë për të thënë e bëftë zoti ëndërr dhe të paktën të jem lideri i opozitës në letra se në këto 2 vitet e fundit e kam dëshmuar se jo nuk jam kurrkund afër të zotëruarit e aksioneve të partisë më të madhe në vend që udhëheq dhe opozitën që është PD”, deklaroi Lela.

Lela theksoi se sipas tij krijohet një dyshim se ka një flirt me Edi Ramën, duke iu referuar mbulimit të aktiviteteve nga mediat e qeverisë.

“Po ka një konvergjencë, një flirt kur shikon mediat e qeverisë që mbulojnë me kaq zell dhe vëmendje aktivitetet e zotit Basha, thua a ka diçka këtu? Ndërkohë që opozita që e ka dëshmuar me vepra dhe vota sa e ka takatin dhe peshën elektorale dhe publike, sfumohet harrohet shpërfillet. Unë këtu mund të ngrej një dyshim dhe a vërtetohet nuk më intereson shumë por dyshimi qëndron dhe unë këtë dyshim kam për aktivitetet e zotit Basha”, shtoi Lela.

Të fundit