Flash News

Video/ Kodrat e Dukatit përfshihen nga flakët, zjarri përhapet me shpejtësi mbi fshat

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

VIDEO/ Zbardhet përleshja mes bandave në Greqi, 12 të arrestuar, mes tyre edhe shqiptarë

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

Ditari i Opozitës

Lela: Kalbja e sistemit ka shkuar deri tek njerëzit, debati publik duhet të ndërrojë pushtetin

Politiko 19 Korrik 2024, 10:42

Lela: Kalbja e sistemit ka shkuar deri tek njerëzit, debati publik duhet

Drejtori i Zyrës së Komunikimit në PD, Alfred Lela ka komentuar reagimin e vakët të qytetarëve ndaj problemeve që po has shoqëria dhe debatet e dobëta publike në televizione.

Në një lidhje direkte për Syri Tv, Lela mori rastin e skandalit tek Onkologjiku dhe tha se reagimi i njerëzve ka qenë i vakët.

Ndër të tjera, Lela theksoi se duhet një debat publik që të ndërrojë qeverinë dhe pushtetin.

“Për mua shembulli me i qartë me transparent me civil, me qytetar i debatit publik ka qenë nëse e mbani mend protesta për rrugën e kombit që bënë kuksianet. Për mua ai është debat publik. Se nuk është të flasim ne të tre në një studio dhe tre të tjerë në një studio tjetër, dhe bëhet një konferencë në një nga hotelet e Tiranës. Del një parti politike në një deklarata për shtyp. Për mua debat publik është ajo që bënë kuksianët para 4-5 vitesh. Kuksianet e bënë të tyren. Pjesët e tjera të sistemit I lanë në baltë kuksianet. Por thjesht desha ta shtroj idenë, nuk futem tek fajtorët. Unë mbaj mend Kryeministrin Rama që ishte në Vlorë në mbledhje me qeverinë dhe erdhi i djersitur dhe i sikletosur në Tiranë bëri një konferencë…Pra ai është debati publik dhe nuk e pamë atë vendosmëri për të thënë që ka një kufi se deri ku mund të na biesh në qafë dhe ne nuk të lejojmë sepse kemi një dinjitet, kemi një integritet, jemi qenie njerëzore, jemi qytetarë të kësaj republike, kemi paguar taksat, po ato nuk mund të jenë në shpërpjesëtim me të ardhurat dhe dinjitetin tonë. Nuk e pamë këtë, kanë kaluar kaq vite.

Te Onkologjiku pastaj është rasti tjetër që pasqyron dehumanizimin po deshe edhe të shoqërisë, të politikës të qeverisë edhe të shoqërisë. Reagime të vakta ndaç edhe si këto debate që zhvillohen në studio, që për mua nuk është debati publik. Zero reagim. Një protestë e vakët. Dhe ajo është jeta. Njeriu që përballet me jetën dhe vdekjen e vet dhe e shef se si i manifakturohet vdekja. Pra i fabrikohet vdekja nga forca që ai nuk i shef. Dhe jo vetëm kaq por kur i shef ata i shfaqen në anë e humanizmit që ishin, punonjësit. Mjekët, infermierët pra i gjithë sistemi. Dhe kalbja e sistemit ka shkuar edhe këtu. Pra ka shkuar tek njerëzit që duhet të kujdesen për jetën. Ky është alarmi. Jam dakort me atë që tha Redi që kjo nuk zgjidhet as me receta as me ankesa, zgjidhet duke ndërruar, duke bërë demarshin duke bërë debatin publik, rezistent të ndërrimit të qeverise, të ndërrimit të pushtetit. Rrugë tjetër nuk ka”, ka deklaruar Lela.