Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Lela: Në Shqipëri mungon vullneti politik, qeveria merret me 'lyerje buzësh'

Politiko 9 Janar 2026, 13:33

Lela: Në Shqipëri mungon vullneti politik, qeveria merret me

Drejtori i Departamentit të Komunikimit në PD, Alfred Lela deklaroi se Shqipëria sot po përballet me mungesën e vullnetit politik për të zgjidhur problemet reale të qytetarëve.

I ftuar në “Kafe Shqeto” në Syri Tv, Lela u shpreh se Shqipëria po qeveriset sot nga një qeveri e cila ka vetëm një fasadë, në të cilën prevalon imazhi mbi thelbin, realietin.

Lela vuri në dukje se kjo qasje reflektohet edhe në dështimet infrastrukturore dhe përballimin e emergjencave, si përmbytjet, duke ngritur dyshime mbi përdorimin e fondeve publike.

Lela: E shoh në rrafsh politik, e shoh në sjelljen e zyrtarëve amerikanë që kanë ardhur, zyrtarët e Departamentit të Shtetit që kanë ardhur dhe kë kanë takuar, si kanë takuar. E shoh te prezenca ose mosprezenca e të ngarkuarës e darkës së fundvitit. E shoh tek statuset e ambasadës amerikane, e shoh tek qëndrimet, tek rezolutat, shtatë rezoluta ka opozita. Sigurisht tek aleanca e partive të djathta, republikanët amerikanë të Trumpit, janë aktorë, aktorë kryesorë, aktor i madh. Kështu që po, doktrina Trump ka zbritur. Unë jam skeptik për këtë të imobiliareve, se shiko çfarë kërkon. Kjo kërkon një vullnet politik.

Kjo kërkon një vullnet politik. Nuk është, unë nuk mendoj që është ndonjë gjë e vështirë. Ta zëmë, për çfarë është vullneti politik? Partia Demokratike në zgjedhjet e fundit, zoti Berisha këtë paraqiti, për çiftet e reja, një banesë, një çati për çift. Është, është kaq e thjeshtë. Si? Jo me ja fal, pra nuk, shteti nuk kthehet në falës, por shteti të jep një kredi me zero, kaq do çifti i ri mo. Nuk do, nuk do me i dhënë, me i dhënë shtëpinë. Nuk do lëmoshë. Ata duan mundësinë, aksesin te tregu imobiliar dhe kështu bëhet dhe kjo pra zgjidhet po të ketë vullnet politik. Pse mungon vullneti politik? Sepse ne kemi një qeveri që lyen buzët e Shqipërisë, ndërkohë që gjithë organet e tjera, gjithë pjesa dhe kjo shihet nga përmbytja. Kjo është qeveria e dëmshme që merret me lyerje buzësh, buzësh dhe talleshin kur opozitarët ose kritikët thonë fasada, fasada, fasada dhe e përsëriste Rama se me demek, tallje me talljen. Jo, është tallje me të vërtetën. Fasada këtu duket. Pra shteti nuk ka instrumentet kryesore, pra nuk rri dot në këmbë, nuk ka kolonat, po ka një buzëkuq të madh.

Pra unë i shikoja duke, Dedën e këtyre, pra Dedën e filmit, Fillo Rroji, nëpër videot të Belës dhe të këtyre duke shkuar, po nuk është ajo. Se dikush që merr rrogën e ti i bën një foto... Ti i bën një foto që po del, po del. Jo, ti rregullon strukturën, infrastrukturën, investon aty, nuk bën kopshtin e Babilonisë të varur në kryeministri, nuk i jep ato 150, se ke, ishte mbrëmë, se nuk po e themi ne, ë ish-zëvendësi i shefit të madh, Arben Ahmetaj, ja nxori, doli, një, dy, tre, katër, pesë, gjashtë dosje, qindra miliona euro. Ku janë?

Ku kanë shkuar? Jo, në ato dosje, po 14 ishte e gjitha. Ku kanë shkuar? Ku janë? Se në kanalizime nuk janë, në diga nuk janë, në hidrovorë nuk janë, në linja të sigurta nuk janë, në rrugë që kanë zënë rrugët, thoshte rrugë pa rrugë thoshte, rrugë të lëna rrugëve. Tani ky ka bërë rrugë që kanë zënë rrugët. Ky është kryeministri i parë, qeveria e parë që bën rrugë që zënë rrugët. Dhe po, dhe po i dalin nuk, ore nuk po i sajojmë. Po janë shembur, po i shemben rrugët. Sa e ka bërë? 260 milionë euro dhe ka zënë rruga rrugën. Dhe shqiptarët do kalojnë prapë nga ajo rruga e Berishës, Zogut, Italisë e të tjera e të tjera, nga e vjetra, se rruga e re e tij, e florinjtë, ra mbi rrugën e shqiptarëve dhe mbi taksat e tyre. Kështu që do vullnet politik. Mungon qartësisht sepse vullneti politik këtu është shndërruar në vullnet pasurimi të klubit rrethues, të klikës, të sektit.