Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Lela për deklaratat e Ahmetajt: Po bën shërbim publik me denoncimet e tij

Politiko 29 Janar 2025, 17:23

Lela për deklaratat e Ahmetajt: Po bën shërbim publik me

Drejtori i Komunikimit në PD, Alfred Lela, ka deklaruar se opozita ka fakte konkrete për shkeljet zgjedhore, ndërsa SPAK shpreh vetëm dëshira për të ardhmen, të cilat nuk përputhen me veprimet e deritanishme të institucionit.

Sipas Lelës, një shembull i qartë është rasti i kryebashkiakes së Roskovecit, e cila, ndonëse e përfshirë në shkelje të rënda, nuk është ndjekur penalisht nga SPAK.

Në një intervistë në SYRI TV, Lela është ndalur edhe te çështja e Arben Ahmetajt, duke e cilësuar atë si një person që po kryen një shërbim publik përmes denoncimeve të tij.

Ai ka theksuar se këto denoncime zbulojnë se problemi i korrupsionit nuk qëndron te baza e Partisë Socialiste, por te kreu i saj dhe rrethi i ngushtë i njerëzve pranë kryeministrit Edi Rama.

Sipas tij, këto fakte tregojnë se drejtësia e re po vepron në favor të qeverisë dhe jo të ligjit.

Lela:Opozita ka fakte, ndërkohë SPAK shpreh dëshira, dhe janë dëshira të së ardhmes, ndërkohë nuk përputhen kurrkund me rekordin e deritanishëm të organizatës që quhet SPAK. Pse e them këtë? Nuk ka kaluar një javë nga vendimi i SPAK për të amnistuar një kryebashkiake të Partisë Socialiste, të Roskovecit, e infiltruar, e ngarkuar dhe e angazhuar, ndër të tjera, edhe me cenim të procesit zgjedhor, dhe SPAK, në rastin e saj, ka shpallur inkompetencën, moskompetencën.

Mua më duket më shumë si dëshirë dhe plan për të shpallur moskompetencën, pra ia ka çuar Prokurorisë së Fierit dosjen e kryebashkiakes së Roskovecit, e cila vazhdon në detyrë dhe do të jetë në detyrë edhe në këto zgjedhje, për të cilat SPAK ka shpallur se do t’i hetojë.

Kaq shumë jemi bombarduar me shkelje dhe me thagma, me perla të qeverisë apo të drejtësisë, saqë harrojmë edhe ngjarje kyçe. Për mua dhe për publikun, kjo duhet të jetë dëshmia kyçe e vendosmërisë së SPAK-ut, të organeve të drejtësisë së re, për t’u bërë me pushtetin, për t’u bërë me palën që, edhe kur nuk fiton, i merr gjërat me zor.

Rasti i Fredi Bejlerit është ky. Pra, namin e zi, rekordin e pastër të vjedhjeve, të manipulimeve, e ka partia në pushtet dhe i vetmi i dënuar për manipulim zgjedhjesh është një kandidat i koalicionit opozitar. Një koalicion opozitar që ka marrë 7 bashki, një prej tyre ia marrin me zor dhe e akuzojnë se ka vjedhur.

Sa i përket Arben Ahmetajt, unë jam i ndërgjegjshëm dhe krejt i qartë që intervistat e tij janë një shërbim publik. Për këtë jam krejt i qetë e krejt i qartë si individ, si gazetar e me radhë.

Kjo është dhënë si aksiomatike: fakti që Arben Ahmetaj bën një shërbim publik, sepse zbulon rrënjët e së keqes, të cilat në fakt fillojnë lart, fillojnë në majë të pemës dhe lidhen direkt jo me bazën, jo me rrënjën e Partisë Socialiste, por me kreun, me shefat kryesorë, me Edi Ramën dhe një grusht të vogël njerëzish rreth tij, ministra ose jo, mund të jenë dhe biznesmenë, oligarkë, etj.