Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Lela: Rama bashkëautor i kaosit dhe përçarjes në opozitë, do të përballet me pasojat

Politiko 10 Janar 2024, 17:44

Lela: Rama bashkëautor i kaosit dhe përçarjes në

Drejtori i shtypit i PD-së, Alfred Lela, përmes një komunikimi të drejtpërdrejtë në studion e Neës24 u është përgjigjur komenteve të kryeministrit Rama lidhur me opozitën ditën e sotme.

Lela e cilësoi Ramën si “bashkëautor” të kaosit dhe përçarjes në opozitë, ndërsa e fajësoi kreun e qeverisë se pranoi që ka në dorë të ndryshojë situatën lidhur me komisionet por zgjedh mos ta bëjë.

Sa i përket një bashkimi të mundshëm të opozitës, Lela tha se bashkimi ka vetëm një formulë dhe ajo nënkupton se nuk mund të ketë bashkim me Sali Berishën në burg apo jashtë kësaj aleance të mundshme.

“Rama është që në fillesë bashkëautor i kaosit dhe përçarjes në opozitë dhe arriti atë që arriti. Rama që nga shprehja drejtuar Berishës, a e kalon dot Atlantikun nëse do Sali, që aty u vetëzbulua si një nga bashkëautorët e non-gratës ndaj tij. Çdo koment që ai bën nuk është gjë e re. Opozita e ka të qartë kush qëndron pas sulmeve.

Berisha ka thënë që i ka ardhur një ofertë në zyrën e tij nga një ndërmjetës. I ka kërkuar çfarë mendimi do kishte nëse do kishte një koalicion të madh mes Ramës dhe Bashës dhe Berisha ka thënë absolutisht jo. Këtu është faza tjetër e asaj që ne shohim sot, sulmi frontal ndaj liderit të opozitës dhe ndaj kësaj të fundit. Unë them se duhet t’ia dimë për nder Berishës këtë që ka bërë për pluralizmin.

Rama mund të luajë të fortin me komisionet, por me atë që thotë e pranon edhe vetë që është ai pas kaosit. Kjo është të pranosh që e ka në dorë, por nuk e bën sepse ashtu do. Ne kemi rëndë dakord që në Republikë nuk bëhet si do kryeministri, por si e kërkon ligji. Rama del e thotë që nuk ka rëndësi ndarja e pushteteve. Megjithatë herët a vonë ai do të përballet me pasojat.

Bashkimi ka vetëm një formulë në këto kushte, nuk mund të ketë bashkim me liderin e opozitës në burg apo jashtë këtij bashkimi. Kush do të bëjë bashkim jashtë kësaj formule e ka sa për propagandë, formula tani ka ndryshuar. Berisha është arrestuar si lider i opozitës. Aty e kishin 9 vjet dhe nuk e arrestuan.

Protestat janë një formë. Ka forma të tjera, do të shpalosen, mos harroni Parlamenti fillon së shpejti, Mosbindja civile nuk është çelës drite që e fik apo ndez, është diçka që shpaloset duke ndodhur. Nuk mund të parashkruhet”, u shpreh ai.