Flash News

Zjarret në vend, 4 vatra zjarri ende aktive, si paraqitet situata

Rama shënjestron sërish prokuroren Shkodrës: Gjeli hartoi ese filozofike me pafajësinë e ndërtimit pa leje

I shpallur në kërkim për vjedhje, arrestohet 26-vjeçari në Durrës

Salianji paraqitet te Shërbimi i Provës pas lirimit me kusht: Betejën ligjore do e vazhdoj në Strasburg

U kërcënua me kallëzim nga Rama, prokurorja e Shkodrës letër KLP-së: Reagoni për sulmet politike

Ditari i Opozitës

Listat për deputetë, Rushaj: Do t’i dorëzojmë brenda afatit; Komenton kandidimin e Çomos dhe Bozos

Politiko 6 Mars 2021, 19:25
Listat për deputetë, Rushaj: Do t’i dorëzojmë brenda
Alfred Rushaj

Mesnata e së hënës është fati i fundit për dorëzimin e listave të kandidatëve për deputetë për zgjedhjet e 25 prillit. Drejtuesi i fushatës elektorale të PD, Alfred Rushaj tha se depozitimi i emrave nga demokratët do të bëhet brenda këtij afati.

Ai tha në ‘Kjo javë’ se ka ende disa procedura politike dhe administrative që duhet të bëhen, ndërsa nuk zbuloi detaje të tjera.

“PD do t’i dorëzojë listat brenda afatit. Brenda afatit, kur të mbarojmë. Një pjesë është procedura politike dhe pjesa tjetër është ajo administrative, janë për t’u plotësuar dokumentacione”, tha Rushaj.

Ky i fundit tha se selinë blu e shqetëson praktika e ndjekur më parë në zgjedhje.

“Na shqetëson praktika e zgjedhur më parë, përfshirja e personave me rekorde kriminale. Ne kemi garantuar paprekshmërinë e votës. Kemi strukturat tona që janë gati”, tha Rushaj.

Ai komentoi edhe emrat e rinj që i janë bashkuar PS si shefja e Infektivit, Najda Çomo dhe inxhinierja Luljeta Bozo. Sipas tij, këto janë truke dhe makiazhe të kryeministrit Edi Rama.

“Emrat e kryeministrit i shikoj si propagandë dhe makijazhit, sa herë që ndodhet në vështirësi. Tetë vjet të mbushura me dështime nuk mund të tejkalohen me një individ.

Nëse merr edhe kirurgun më të mirë, i ke hequr mjekësisë një njeri me rëndësi me qëllim që të rregullosh fytyrën tënde. Ne e dimë se Rama ka shkatërruar shëndetësinë. Shqiptarët nuk gënjehen me truke e makijazhe. Shqiptarët do vendosin për të ndryshuar kryeministrin”, u shpreh Rushaj.

 

Të fundit