Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Logu: Na mohojnë transparencën për farsën e 11 majit!

Politiko 2 Qershor 2025, 09:44

Përfaqësuesi ligjor i PD, Marash Logu ka ndarë detaje, lidhur me atë se çfarë po ndodh me farsën elektorale të 11 majit në Komisionin e Ankimeve dhe Sanksioneve në KQZ.

I ftuar në studion e emisionin ‘Kafe Shqeto’ në Syri Tv, Logu tha se kurrsesi nuk mund t’i mohohet një force politike transparenca, pavarësisht se sa i kapur është ai institucion.

"Farsa elektorale po e shikoni që po ndodh edhe në KAS, se si partia shtet u shkri në një të vetme. Shteti vendosi në dispozicion të PS të gjitha burimet, në KAS është shkrirë institucioni i Presidentit të Republikës në KAS. Ne në KAS kemi një këshilltar ligjor të presidentit që është vendosur në shërbim të PS dhe i mohon PD të bëjë transparencë për farsën elektorale të 11 majit.

KAS si një vegël e Ramës i mohon opozitës dhe PD, transparencë. Në mënyrë të përsëritur ia mohon PD. Ne s’mund të kemi dokumentacione të DHL, e kemi kërkuar në mënyrë të përsëritur për t’i pasur këto dokumente. Kushdo që është vënë në dispozicion të Ramës e grupeve kriminale, ne shkojmë në fushatë me program për qytetarët e s’kemi ngritur strukturë paramilitare për të kapur banditët e Ramës. Ne jemi parti politike dhe sigurojmë të dhëna dhe informacione, e më pas u kërkojmë institucioneve t’i marrim zyrtarisht këto informacione.

Ata që janë vënë në shërbim të Ramës dhe bëjnë avokatinë e grupeve kriminale të Ramës, s’e kuptojnë këtë. Që ne kërkojmë informacione në rrugë institucionale. Në çastin më kritik të opozitës janë aty për t’i ngulur thikën pas shpinës opozitës dhe Shqipërisë. Përballë mekanizmave kriminale që ka ndërtuar Rama, s’mund të kesh rotacion politik. Përpjekja që po bën Berisha dhe PD, janë garanci që ne do t’i shkojmë deri në fund për të faktuar farsën e 11 majit, dhe produktin që ka prodhuar farsa e 11 majit. Kemi një betejë jo vetëm për PD, por për Shqipërinë e shqiptarët jashtë e s’mund të heqim dorë nga kjo betejë.

Beteja jonë në KAS, është një organ i kontrolluar në shumicën e tij nga Rama. Të presësh drejtësi nga njerëzit e Ramës, është naive. Noterët e farsës së Ramës, të jenë kaq të ndershëm sa të bëjnë drejtësi për procesin zgjedhor. Si mund të pretendosh që vartësi i Begajt të bëjë drejtësi. Je në konflikt interesi, po merr edhe guximin e të shkelësh ligjin që t’i mohosh PD e opozitës transparencë. Ne do ta çojmë në fund këtë, nga KAS te Lolegji Zgjedhor.

Të gjitha janë të kontrolluara nga Rama, por ne do ta bëjmë betejën tonë. Për të ndërgjegjësuar qytetarët, ndërkombëtarët se çfarë ka ndodhur me 11 maj. Me Ramën dhe qeverinë e tij s’ka zgjedhje fare. Aleatët tanë brenda vendit, janë gjithnjë e më të pakët. Së pari të kishim organet ligjzbatuese dhe të drejtësisë, t’i kishim aleatë. Persona në kërkim nga SPAK për akuza shumë të rënda, dhe SPAK e BKH s’i shikonin. Shihnin telefonin e kryebashkiakut të Vaut të Dejës e s’shikonin kriminelët vërdallë", deklaroi Logu.