Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“Luli pasagjer VIP në trenin që drejton Meta”, Basha i përgjigjet Ramës: Batuta të lodhura të një klouni cirku

Politiko 10 Tetor 2020, 13:10

“Luli pasagjer VIP në trenin që drejton Meta”, Basha i

Kreu i PD, Lulzim Basha i është përgjigjur batutave të kryeministrit Edi Rama një ditë më parë në Asamblenë e PS, i cili e cilësoi kryedemokratin si një “pasagjer VIP në trenin e opozitës që e drejton presidenti Ilir Meta”.

Sipas Bashës, në një bashkëbisedim me gazetarët, këto janë batuta të lodhura dhe përgjegjësitë e një klouni cirku, ndërsa përgjegjësitë e një kryeministri janë masat që duhet të marrë për krizën ekonomike të krijuar nga pandemia.  

“Nëse Rama do i kushtonte 1/10 e kohës dhe energjive që harxhon për të menduar batuta të lodhura, gërr-vërre bajate, për të ndihmuar njerëzit, as ti, as familja jote, as shqiptarët nuk do i ndjenit pasojat e krizës kaq thellë. Edhe pa ide po të ishte, nëse ndiqte propozimet tona, sot shumë probleme që kanë dalë jashtë kontrolli do ishin nën kontroll.

Çfarë përgjigje ka Rama për 100 mijë të papunë, sipërmarrja e vogël që po shkon drejt falimentit, pensionistë që pasi paguajnë drita e ilaçe nuk kanë para për bukë e jo më për maska, konsumi që bie përditë. Këto janë përgjegjësitë e Ramës, përgjegjëse e një klouni cirku janë të tjera. Atij po i lejohet dhe e ka për punë të bëjë klounin. Ky nuk zbavit dot as fëmijët e vet me batuta të lodhura, harroje se mbulon këto të vërtetat”, u shpreh Basha.

Basha akuzoi kryeministrin Rama se po tallet me qytetarët, ndërsa këta të fundit po vuajnë për bukën e gojës. Ai vlerësoi se plani i PD për rimëkëmbjen ekonomike me 5 pika është jetik.

"Shqiptarët kanë nevojë për bukë, Rama tallet. Ka vetëm një përgjegjës nëse shkojmë drejt kolapsit dhe ai është Edi Rama. Plani me 5 pika ka vetëm një synim të ndalë thellimin e krizës. 90% e qytetarëve janë me të ardhura minimale, ndërsa 45% nuk sigurojnë dot as bukën e përditshme”, tha Basha.

  

Të fundit