Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Maliqi paralajmëron padi në SPAK: Bandat shantazhuan qytetarët, Salillari përdori milliona euro

Politiko 17 Maj 2023, 16:20

Maliqi paralajmëron padi në SPAK: Bandat shantazhuan qytetarët,

Kandidati i koalicionit “Bashkë Fitojmë” në Kuçovë, Lefter Maliqi tha se fitorja e PS-së në këtë bashki u garantua nga bandat dhe shantazhet që iu bënë qytetarëve.

Për MCN Tv, Maliqi tha se ndikim në fitoren e socialistëve në Kuçovë solli edhe përfshirja e oligarkut Pëllumb Salillari, i cili përdori milionat dhe pronat e tij për të blerë vota për Partinë Socialiste.

Maliqi tha se do të bëjë kallëzim në SPAK me fakte, se si socialistët e vodhën fitoren në Kuçovë.

“Me gjithë masakrën elektorale nga oligarku Pëllumb Salillari, të ciklin e kemi kapur mat në disa vende i cili përdori miliona euro të pronës së tij private në guroren e bashkisë Dimal. Në disa vende dhe asfalt. Dilte si mi në markete dhe dyqane natën, deri në përplasjen e fundit time me të dhe në ditën e heshtjes elektorale përdori policinë dhe shoqëroi bashkëshorten e kryetarit të Partisë së Lirisë me orë të tëra në Drejtorinë e Policisë Berat. Na kanë mbajtur aty.

Unë kam fituar moralisht do të fitoj dhe ligjërisht, kam deri më tani mbi 1 mijë fakte dhe prova të pakundërshtueshme dhe do bëhet kallëzimi në SPAK. Këtu ndodhi krimi më i madh elektoral në gjithë Shqipërinë. Dhe Kryeministri Rama e dinte shumë mirë që fitoren e kisha të sigurtë.

Ministri Çuçi po të ishte ndonjë ministër tjetër këtu do ishte fitore e thellë, po me urdhër të tij, policia shoqëronte njerëzit tanë, ndërsa ne shikonim njerëz të Partisë Socialiste që fiknin dritat në zona ku ata lëviznin në 12.00 të natës, të gjitha këto dhe banda që erdhën në Kuçovë, erdhën dhe shantazhuan qytetarët.

Gjithë shteti u vendos në Kuçovë. I kam provat të dokumentuara, është rast i paprecedentë në historinë elektorale të Shqipërisë. Unë u ktheva shpresën dhe të majtëve të zhgënjyer dhe opozitës.

Rasti i paprecedentë dhe në KZAZ në Kuçovë. Qendrat e Votimit mbyllën kutitë dhe në 11.30 i dorëzuan. Anëtarët dalin si minj ikin dhe e lënë vetëm KZAZ me një gardh policësh. U ndërhy aty. Morën urdhër politik gjasme do laheshin dhe janë kthyer pas gjysmë ore. Ne i kemi të gjitha provat të filmuara”, tha Maliqi.

Të fundit